मुझफ्फरनगर (उत्तर प्रदेश): उत्तर प्रदेशमधील उन्नाव येथे बलात्कार पीडित मुलीला जाळण्याच्या घटनेच्या एक दिवस आधी मुजफ्फरनगर जिल्ह्यातील एका ३० वर्षीय महिलेवर चार जणांनी अॅसिड फेकल्याची घटना उघड झाली आहे. न्यायालयात सुरू असलेला मागे घ्यावा असे आरोपींचे म्हणणे होते. त्यांचे म्हणणे तिने न ऐकल्याने हा करण्यात आल्याचे पीडित महिलेचे म्हणणे आहे. या अॅसिड हल्ल्यात महिला तीस टक्के भाजली आहे. पीडितेवर मेरठमधील हॉस्पिटलमध्ये उपचार सुरू आहेत. बुधवारी रात्री चौघांनी जबरदस्तीने महिलेच्या घरात प्रवेश केला आणि तिच्यावर अॅसिड फेकले अशी माहिती शाहपूर पोलिस स्टेशनचे अधिकारी गिरिजा शंकर त्रिपाठी यांनी दिली. या महिलेने जिल्हा न्यायालयातील आरोपींवरील बलात्काराचा खटला मागे घेण्यास नकार दिल्याचे सांगण्यात येत आहे. चार आरोपींचा शोध सुरू पोलिसांनी सांगितले की, महिलेवर झालेल्या अॅसिड हल्ल्यात सामील झालेल्या चार जणांची नावे आरिफ, शाहनवाज, शरीफ आणि आबिद अशी आहेत. हे आरोपी कासेरवा गावचे रहिवासी आहेत. हे चौघे फरार असून त्यांना लवकरच अटक केली जाईल, असे पोलिसांनी सांगितले.
