- पं. डॉ. संदीप अवचट मेष : वरिष्ठ कामाचे कौतुक करतील. दिवस धावपळ आणि दगदग वाढविणारा असेल. जोडीदाराबरोबर प्रेमळ संवाद होईल. वृषभ : दिवसाची सुरुवात अडचणीतून होईल. विद्यार्थ्यांनी अभ्यासाकडे दुर्लक्ष करू नये. शारीरिक व्याधी मिटतील. मिथुन : आयटी क्षेत्रात काम करणाऱ्यांना आर्थिक लाभ होतील. कुटुंबातील सदस्यांची नाराजी ओढवेल. अति खर्च करणे टाळा. कर्क : आज तुम्ही घराबाहेर जास्त रमाल. पूर्वी घडून गेलेल्या गोष्टींमध्ये गुरफटू नका. नोकरीत प्रयत्नांती परमेश्वर याची प्रचिती येईल. सिंह : शारीरिक ताकद आज कमी असेल. धावपळ अथवा दगदग नको. घरातील ज्येष्ठ व्यक्तीच्या सहवासात पूर्ण संध्याकाळ घालवाल. कन्या : नवीन काम सुरू करताना मित्रपरिवार पाठीशी उभा राहील. प्रेमात पडलेल्या तरुणांसाठी दिवस अविस्मरणीय असेल. तुळ : जुन्या नातेवाइकांच्या भेटीचा दिवस. नोकरीत स्थिती ताणाची असेल. सकारात्मकता कमी होऊ देऊ नका. वृश्चिक : आयुष्यातील खडतर स्थिती बदलेल. जोडीदारासोबत सुखाचे क्षण येतील. संध्याकाळ मित्रांसाठी राखून ठेवाल. धनु : व्यवसायात खेळते भांडवल उभे करण्यासाठी प्रयत्न करा. व्यसनांच्या आहारी जाऊन आरोग्य बिघडेल. प्रिय व्यक्तीचा विसर पडेल. मकर : मौजमजा कराल. त्वरित पैसे मिळावेत म्हणून युक्ती शोधाल. आसपास असलेले लोक तुमच्याबद्दल काय म्हणतात याला महत्त्व देऊ नका. कुंभ : आपल्या सहवासातील सर्व लोकांना खूष कराल. नोकरीत कामाच्या पद्धतीत बदल कराल. अनेक प्रश्न निकालात काढाल. मीन : संतती तुमच्यावर नाराज असेल. कामकाजाच्या ठिकाणी स्त्री सहकारी मदतीला धावून येईल. एखाद्या गोष्टीवर ताबडतोब मत नोंदवू नका.
