मुंबई : चीनमधील करोना व्हायरस आता इतर आशियाई देशांमध्ये पसरू लागल्याने आशियातील अर्थव्यवस्थेसमोर मोठे संकट उभे राहिले आहे. याचा जगभरातील गुंतवणूकदारांनी धसका घेतला असून मुंबई शेअर बाजारात पडसाद उमटले. आज बाजार उघडताच सेन्सेक्स ४८० अंकांनी कोसळला. राष्ट्रीय शेअर बाजाराच्या निफ्टीत १२७ अंकांची घसरण झाली. आज सकाळपासून गुंतवणूकदारांनी सर्वच क्षेत्रात विक्रीचा सपाटा लावला. या आठवड्याअखेर तिसऱ्या तिमाहीची जीडीपी आकडेवारी जाहीर होणार आहे. मंदीचा प्रभाव पाहता विकासदर आणखी घसरेल, असा अंदाज जाणकारांनी व्यक्त केला आहे. त्यामुळे शेअर बाजारात नकारात्मक वातावरण निर्माण झाले. चीन पाठोपाठ आता दक्षिण कोरियात करोना व्हायरसने ७ जणांचा बळी गेला आहे. सिंगापूरमध्ये कोरोनाचे रुग्ण वाढले आहेत. मुंबई शेअर बाजाराच्या मंचावर ३० पैकी २५ शेअर घसरले आहेत. ज्यात टाटा स्टील, आयसीआयसीआय बँक, एचडीएफसी, एनटीपीसी, ऍक्सिस बँक यांच्यात मोठी घसरण झाली. इन्फोसिस आणि टेक महिंद्रा आदी शेअर तेजीत आहेत. जगभर नावाजलेले गुंतवणूकदार लवकरच आपल्या बर्कशायर हॅथवे कंपनीचा निरोप घेण्याची शक्यता आहे. बफे यांनी शनिवारी याविषयी सूतोवाच केले. दिग्गज गुंतवणूकदार वाॅरेन बफे दरवर्षी गुंतवणूकदारांना उद्देशून एक पत्र पाठवतात. गेल्या चाळीस वर्षांपासून त्यांनी हा शिरस्ता पाळला आहे. या पत्राच्या माध्यमातून बफे यांच्या कंपनीची भूमिका नेमकी काय आहे, याचा उहापोह केला जातो. त्यामुळे जगभरचे गुंतवणूकदार या पत्राची दरवर्षी आतुरतेने वाट पाहतात. बर्कशायर हॅथवेची वार्षिक सर्वसाधारण सभा २ मे रोजी होणार असून, या सभेत नव्या वारसदारांची घोषणा करण्यात येणार आहे.
