मुंबई: गेल्या काही महिन्यात कंपनी आणि त्याचे चेअरमन सातत्याने चर्चेत येत आहेत. जिओमधील गुंतवणूक असो की मुकेश अंबानी यांची वाढणारी संपत्ती यामुळे रिलायन्स चर्चेत येत असते. करोना काळात रिलायन्सच्या शेअरच्या किमतीत मोठी तेजी आली आहे. आता रिलायन्सबद्दल एक हैराण करणारी बातमी समोर आली आहे. रिलायन्स इटस्ट्रीज लिमिटेडचे चेअरमन मुकेश अंबानी यांचे निकटवर्तीय आणि कंपनीमध्ये एक्झीक्युटीव्ह डायरेक्टर असलेले यांनी त्याच्याकडील रिलायन्सचे ९० टक्के शेअर गहाण ठेवून कर्ज घेतले आहेत. वाचा- शेअर बाजाराला दिलेल्या माहितीनुसार रिलायन्सच्या संचालक मंडळात समावेश असलेल्या पीएमएस प्रसाद यांनी २९ जून रोजी रिलायन्सचे ६ लाख शेअर गहणा ठेवलेत. याची किमती १०३ कोटी इतकी आहे. गहाण ठेवलेल्या शेअरचे प्रमाण प्रसाद यांच्याकडे असेलल्या एकूण शेअरच्या ९३.७५ टक्के इतके आहे. प्रसाद यांच्याकडे रिलायन्सचे एकूण ६.४० लाख शेअर आहेत. २०१९-२० या काळात त्यांना ११.१५ कोटी रुपये इतके वार्षिक वेतन मिळाले होते. तर त्याआधीच्या वर्षी १०.०१ कोटी इतके पॅकेज मिळाले. वाचा- याआधी सप्टेंबर २०१७ मध्ये देखील पीएमएस प्रसाद यांनी रिलायन्सचे १, ३६,६६६ शेअर विकले होते. सप्टेंबर २०१९ मध्ये रिलायन्सचे सीएफओ आलोक अग्रवाल यांनी १४.४ लाख शेअर गहाण ठेवले होते. गेल्या महिन्यात देखील त्यांनी २.२५ लाख शेअर गहाण ठेवले होते. गेल्या महिन्यात राइट इश्यूच्या माध्यमातून त्यांना रिलायन्सने १ लाख शेअर मिळाले होते. प्रसाद २१ ऑगस्ट २००९ पासून रिलायन्सचे पूर्ण वेळ संचालक आहेत. ते गेल्या ३८ वर्षांपासून रिलायन्ससोबत काम करत असतून अनेक वरिष्ठ पदावर काम करत आहेत. एखादा प्रमोटर त्याच्या कडील शेअर तेव्हाच गहाण ठेवतो जेव्हा त्याला पैशांची गरज असते. हे पैसे कर्ज फेडण्यासाठी अथवा कंपनीचे अधिग्रहण करण्यासाठी असू शकते. वाचा- रिलायन्स जिओमध्ये एक डझनहून अधिक कंपन्यांनी केलेल्या गुंतवणुकीमुळे मार्च पासून आतापर्यंत रिलायन्सच्या शेअरमध्ये १४२ टक्क्यांची तेजी आली आहे. २७ जुलै रोजी रिलायन्सचे शेअर २,१९८.७० रुपये या रेकॉर्ड उंचीवर पोहोचला होता.
