श्रीनगर: जम्मू आणि काश्मीरच्या माजी मुख्यमंत्री () याची १४ महिन्यांनी आज सुटका झाली. जम्मू आणि सरकारचे प्रवक्ता रोहित कंसल यांनी ही माहिती दिली. मुफ्ती यांना गेल्या वर्षी ४ ऑगस्ट या दिवशी नजरकैदेत ठेवण्यात आले होते. दिल्लीच्या दरबाराने ५ ऑगस्ट या दिवशी बेकायदेशीर आणि लोकशाहीविरोधी पद्धतीने आमच्याकडून काय हिसकावून घेतले याचे आम्हाला स्मरण असले पाहिजे, आम्हाला ते परत मिळवायचे आहे, असे महबूबा मुफ्ती यांनी सुटका होताच म्हटले आहे. सुटका होताच महबूबा मुफ्ती यांनी आपल्या ट्विटर हँडलवरून एक ऑडिओ मेसेज शेयर केला. त्यात त्या म्हणतात, 'माझी आज एका वर्षाहून अधिक कालावधीनंतर सुटका झाली आहे. दरम्यानच्या काळात ५ ऑगस्ट, २०१९ या काळ्या दिवशी काळा निर्णय, प्रत्येक क्षण माझे हृदय आणि आत्म्यावर वार करत राहिला आहे आणि जम्मू आणि काश्मीरच्या लोकांची देखील हीच कैफियत असेल.आमच्यातील कोणीही व्यक्ती त्या दिवशीचा दरोडा आणि अपमान कदापि विसरू शकणार नाही' महबूबा मुफ्ती पुढे म्हणाल्या, 'दिल्ली दरबाराने ५ ऑगस्टला जे बेकायदेशीरपणे आमच्याकडून हिसकावून घेतले आहे, ते परत मिळवायला हवे. शिवाय त्याबरोबरच ज्या काश्मीरसाठी हजारो लोकांनी आपले प्राण वेचले आहेत, तो परत मिळवण्यासाठी आपले प्रयत्न सुरू ठेवायला हवेत. हा मार्ग मुळीच सोपा नसेल याची मला कल्पना आहे, मात्र आपल्यातील धैर्याच्या जोरावर हा कठीण मार्ग आपण नक्कीच पार करू.' आता आपली सुटका झाली असून जम्मू आणि काश्मीरमधील जे लोक आजही तुरुंगात बंद आहेत, त्यांची देखील लवकरच सुटका केली जावी असे मुफ्ती म्हणाल्या. जम्मू आणि काश्मीर राज्याला विशेष दर्जा देणारे हटवल्यानंतर मुफ्तीसह अनेत नेत्यांना सार्वजनिक सुरक्षा कायद्यांतर्गत (PSA) नजरकैदेत ठेवण्यात आले होते. क्लिक करा आणि वाचा- महबूबा मुफ्ती यांना किती दिवस नजरकैदेत ठेवले जाऊ शकते, असे सुप्रीम कोर्टाने २९ सप्टेंबर या दिवशी सुनावणीदरम्यान विचारले होते. कोर्टाने याचे उत्तर देण्यासाठी दोन आठवड्याचा कालावधी दिला होता. क्लिक करा आणि वाचा- क्लिक करा आणि वाचा-
