लाहौल : हिमाचल प्रदेशातील लाहौल खोऱ्यातील गावात राहणारा एकही व्यक्ती करोनाच्या तावडीतून सुटू शकला नाही. गावातील प्रत्येक व्यक्ती आढळल्यानं प्रशासनाची चिंता वाढलीय. त्यामुळे, पर्यटनासाठी प्रसिद्ध असणाऱ्या लाहौल खोऱ्यात पर्यटकांना रोखण्यात आलंय. १०० टक्के ग्रामस्थ थोरंग गावातील ५२ वर्षीय रहिवासी भूषण ठाकूर सर्वप्रथम करोना पॉझिटिव्ह आढळले होते. त्यानंतर प्रशासनाकडून करण्यात आलेल्या करोना चाचणीत गावातील एक एक व्यक्ती पॉझिटिव्ह आढळू लागला. त्यानंतर गावातील सर्वच लोक करोना पॉझिटिव्ह असल्याचं निदर्शनास आलं. करोना संक्रमितांच्या संख्येच्या बाबतीत लाहौल-स्पीती खोरं हा हिमाचल प्रदेशातील सर्वाधिक प्रभावित जिल्हा बनलाय. पर्यटकांना रोखलं लाहौलमधील करोना संक्रमणाचा वाढता प्रभाव लक्षात घेता प्रशासनानं रोहतांग बोगद्याच्या उत्तर पोर्टलजवळ तेलिंग नाल्याजवळच पर्यटकांना रोखलंय. या नाल्याच्या पुढे जाण्यास पर्यटकांना मनाई करण्यात आलीय. लाहौलच्या गावांत प्रवेश करण्यास पर्यटकांना परवानगी नाकारण्यात आली. बोगद्याच्या पुढील गावांना म्हणून घोषित करण्यात आलंय. वाचा : वाचा : थंडीत आणखीन फैलाव अधिकाऱ्यांनी दिलेल्या माहितीनुसार, मनाली - लेह महामार्गावरील थोरंग गावात केवळ ४२ रहिवासी आहेत. यातील बहुतेक लोक थंडीमुळे कुल्लूला स्थलांतरित झाले आहेत. ग्रामस्थांनी स्वेच्छेनं काही दिवसांपूर्वी करोना चाचणी केली होती. गावातील एकूण ४२ नमुन्यांतील ४१ करोना संक्रमित असल्याचं आढळलं. 'करोना संक्रमित असल्याचं ध्यानातच आलं नाही' प्रथम करोना संक्रमित असल्याची जाणीव कोणत्याही ग्रामस्थाला झाली नव्हती. 'जेव्हापर्यंत मला करोना पॉझिटिव्ह असल्याचं समजलं नाही तेव्हापर्यंत मी माझ्या कुटुंबासोबतच होतो. चाचणीनंतर मात्र मी एका वेगळ्या खोलीत राहत आहे तसंच स्वत:च जेवण स्वत:च बनवत आहे', असं भूषण ठाकूर यांनी म्हटलंय. आता मात्र ग्रामस्थ हात साफ करणं, मास्क परिधान करणं, सोशल डिस्टन्सिंगचं पालन करणं यांसारख्या नियमांचं पालन करत आहेत. लाहौल स्पीतीचे मुख्य आरोग्य अधिकारी डॉ. पालजोर यांनी दिलेल्या माहितीनुसार, जिल्ह्यात एव्हाना ८५६ जण करोना संक्रमित असल्याचं आढळून आलंय. थंडीमुळे करोना संक्रमणाचा धोका या भागात अधिक वाढलाय. ग्रामस्थांनी दिलेल्या माहितीनुसार, एका धार्मिक कार्यक्रमासाठी लोक जमा झाले होते. आता आजूबाजूच्या गावातही करोना संक्रमित रुग्ण मोठ्या प्रमाणावर आढळत आहेत. स्पीतीमध्ये रंगरिक गावातील ३९ तर हर्लिंग गावात १९ जण करोना संक्रमित आढळले आहेत. वाचा : वाचा :
