हैदाराबाद : हैदराबाद महानगरपालिका निवडणुकीचा आज निकाल लागतोय. परंतु, हा संपूर्ण निकाल जाहीर होण्याआधीच भाजप प्रवक्ते संबित पात्रा यांनी लक्ष्मी मातेचा एक फोटो ट्विट करत कॅप्शनमध्ये '' असं लिहिलंय. निवडून आल्यावर पहिल्यांदा हैदराबादचं 'भाग्यनगर' करण्यात येईल, अशी घोषणा भाजपनं केली होती. वाचा : वाचा : यांच्याकडून घोषणा यापूर्वी हैदराबादच्या एका निवडणूक रैलीमध्ये उत्तर प्रदेशचे मुख्यमंत्री योगी आदित्यनाथ यांनी हैदराबादचं नाव बदलून भाग्यनगर करण्यात येणार असल्याचा पुनरुच्चार केला होता. २०१८ च्या तेलंगणा विधानसभा निवडणुकीतही योगी आदित्यनाथ यांनी ही घोषणा केली होती. फैजाबदाचं नाव अयोध्या आणि अलाहाबादचं नाव प्रयागराज होऊ शकतं तर हैदराबादचं नाव भाग्यनगर का होऊ शकत नाही, असंही वक्तव्य योगी आदित्यनाथ यांच्याकडून करण्यात आलं होतं. तर केवळ नाव बदलल्यानं हैदराबादचं भविष्य बदलणार का? असा प्रश्न विरोधकांकडून उपस्थित करण्यात आला. याला प्रत्यूत्तर म्हणून हैदराबादचं नाव भाग्यनगर झाल्यास लोकांसोबत ओवैसींचंही भाग्य बदलेल, असं वक्तव्य आखाडा परिषदेचे अध्यक्ष महंत नरेंद्र गिरी यांनी केलं नुकतंच केलं होतं. हैदराबादचं नामकरण 'भाग्यनगर' करण्याच्या योगींच्या घोषणेचं हिंदू साधुसंतांची सर्वात मोठी संस्था असलेल्या अखिल भारतीय आखाडा परिषदेकडून समर्थन करण्यात आलं होतं. मुस्लिमांनी देशावर अनेक वर्ष राज्य केलं आणि शहरांच्या नावांचंही इस्लामीकरण केल्याचं सांगत हैदराबादचं नाव बदलण्यासाठी त्यांनी पाठिंबा दिलाय. हैदराबाद निवडणुकीत सुरुवातीला हाती आलेल्या कलानुसार भाजपनं या भागात मुसंडी मारल्याचं चित्र आहे. हैदराबादमध्ये भाजप २८ जागांवर आघाडीवर आहे. तर सत्ताधारी तेलंगणा राष्ट्र समिती १० जागांवर आघाडीवर आहे. गेल्या लोकसभा निवडणुकीत एआयएमआयएम पक्षाचे खासदार असदुद्दीन ओवैसी हे हैदराबादमधून भरघोस मतांनी निवडून आलेत. वाचा : वाचा :
