नवी दिल्ली : कृषी कायद्यांचा निषेध करत शेतकऱ्यांनी सुरु केलेल्या आंदोलनाचा आज (शुक्रवारी) १६ वा दिवस आहे. दिल्लीच्या वेगवेगळ्या सीमांवर उभ्या असलेल्या शेतकऱ्यांनी केंद्र सरकारशी कोणत्याही प्रकारची तडजोड करण्यास नकार देत मागे घेण्याची मागणी केलीय. LIVE अपडेट घडामोडी : राहुल गांधी यांची टीका काँग्रेस नेते राहुल गांधी यांनी शेतकऱ्यांच्या मुद्यावर मोदी सरकारला घेरताना एक ट्विट केलंय. 'शेतकऱ्यांना वाटतं की देशातील प्रत्येक शेतकऱ्याचं उत्पन्न पंजाबच्या शेतकऱ्यांएवढं व्हावं, मोदी सरकारची मात्र इच्छा आहे की देशातील प्रत्येक शेतकऱ्याचं उत्पन्न बिहारच्या शेतकऱ्याएवढं व्हावं' असं ट्विट राहुल गांधी यांनी केलंय. उल्लेखनीय म्हणजे, शेतकऱ्यांच्या उत्पन्नाच्या बाबतीत देशात बिहारचं उत्पन्न सर्वात कमी तर पंजाबचं उत्पन्न सर्वाधिक आहे. नवीन आंदोलकांचा सहभाग अमृतसर : शेतकरी मजूर संघर्ष समितीच्या सदस्यांनी अमृतसरहून दिल्लीकडे कूच केलीय. सिंघु सीमेवर सुरू असलेल्या आंदोलनात ते सहभागी होणार आहेत. जवळपास ७०० ट्रॅक्टर - ट्रॉली दिल्लीकडे निघाल्याचं आंदोलकांकडून सांगण्यात आलंय. रेल्वे रद्द शेतकरी आंदोलनाच्या पार्श्वभूमीवर आज सियालदह - अमृतसर आणि दिब्रुगढ - अमृतसर या रेल्वे रद्द करण्यात आल्या आहेत. १३ डिसेंबर रोजीही या रेल्वे स्थगित राहतील. रेल्वे ट्रॅक ब्लॉक करण्याचा इशारा शेतकरी संघटनांनी गुरुवारी एक बैठक घेतली होती. यामध्ये केंद्राकडून कृषी कायदे मागे न घेण्यात आल्यास देशभरात रेल्वे ट्रॅक रोखण्याचा इशारा आंदोलकांकडून देण्यात आला. १२ डिसेंबर रोजी दिल्लीला घेराव घालण्याचाही इशारा आंदोलकांनी दिलाय. वाचा : वाचा : आंदोलकांवर गुन्हे दाखल सिंघू सीमेच्या रेड लाईटवर आंदोलनाला बसलेल्या शेतकऱ्यांवर पोलिसांकडून गुन्हा दाखल करण्यात आला आहे. २९ नोव्हेंबर रोजी लामपूर सीमेवरुन दिल्लीत प्रवेश करणाऱ्या शेतकऱ्यांना रोखण्यात आलं होतं. यावेळी शेतकऱ्यांनी रेड लाईटवरच ठाण मांडलं होतं. तेव्हापासून हा रस्ता आंदोलकांनी रोखून धरलाय. त्यानंतर पोलिसांकडून या आंदोलकांवर सोशल डिस्टन्सिंगचं पालन न करणं तसंच महामारी कायद्यासहीत इतर कलमांखाली गुन्हा दाखल आहे. ७ डिसेंबर रोजी अलीपूर पोलीस स्टेशनमध्ये यासंबंधी एफआयआर दाखल करण्यात आली होती. वाचा : वाचा :
