इस्लामाबाद: पाकिस्तानची गुप्तहेर संघटना इंटर-सर्व्हिस इंटेलिजेन्सचे (आयएसआय) माजी प्रमुख लेफ्टिनेंट जनरल हे भारतीय गुप्तचर संघटना 'रॉ' चे गुप्तहेर असल्याचे पाकिस्तान सरकारने म्हटले आहे. दुर्रानी यांचे नाव एक्झिट कंट्रोलच्या यादीतून वगळण्यात येऊ नये अशी मागणी संरक्षण मंत्रालयाने इस्लामाबाद हायकोर्टात केली आहे. असद दुर्रानी हे भारताच्या रॉसोबत २००८ पासून संपर्कात होते. त्यासाठीचे पुरावेही उपलब्ध असल्याचे पाकिस्तान सरकारने म्हटले आहे. असद दुर्रानी यांचे नाव कायमच भारतीय गुप्तचर संस्था रॉचे माजी प्रमुख ए. एस. दुल्लत यांच्यासोबत जोडले गेले. या दोघांनीही काही वर्षापूर्वी सेवेतून निवृत्त झाल्यानंतर एकत्रितपणे 'द स्पाय क्रॉनिकल्स: रॉ, आयएसआय अॅण्ड द इल्यूजन ऑफ पीस' हे पुस्तक लिहीले आहे. त्यामुळेच २०१८ मध्ये पाकिस्तानी सैन्याने दुर्रानी यांना बोलावून त्यांच्यावर सैन्य आचार संहितेचे उल्लंघन केल्याचा आरोप केला. वाचा: नो फ्लाय लिस्ट किंवा एक्झिट कंट्रोल लिस्टमध्ये आपले नाव पाकिस्तान सरकारने चुकीच्या पद्धतीने समाविष्ट केले असल्याचा दावा करत दुर्रानी यांनी हायकोर्टात धाव घेतली होती. आपल्याला परदेशात जायचे आहे. त्यामुळे सरकारने प्रतिबंध हटवावे अशी मागणीही त्यांनी केली. वर्ष २०१९ मध्ये पाकिस्तान सरकारने त्यांचे नाव या यादीत समाविष्ट केले होते. वाचा: दुर्रानी यांनी या प्रकरणावर भाष्य करण्यास नकार दिला. त्यांनी म्हटले की, कोर्टात हे प्रकरण सुनावणीस आहे. त्यामुळे कोर्टाच्या निर्णयानंतर आपण यावर भाष्य करू. या मुद्यावर न्यायालयाच्या माध्यमातून मार्ग काढता येऊ शकतो. फेब्रुवारी महिन्यात या प्रकरणाची सुनावणी होण्याची शक्यता आहे. वाचा: पुस्तकामुळे पाकिस्तान लष्कर हादरले! या पुस्तकामुळे पाकिस्तान लष्कराची मोठी नाचक्की झाली असल्याचे म्हटले गेले. या पुस्तकात काश्मीर, बुऱ्हान वाणी, हाफिज सईद, कारगिल युद्ध, कुलभूषण जाधव, बलुचिस्तान, सर्जिकल स्ट्राइक आदींचाही उल्लेख आहे. ओसामा बिन लादेनचा खात्मा करण्यासाठी पाकिस्तान आणि अमेरिकेत एक गुप्त डील झाली होती.
