नवी दिल्ली: नवीन वर्ष २०२१ पहिल्याच दिवसापासून चांगले संकेत देत आहे. १ जानेवारीला देशाला पहिल्या करोना लशीच्या (corona vaccine) बातमीने खुश केले, तर दुसऱ्याच दिवशी २ जानेवारीला पहिल्या स्वदेशी करोना लशीची बातमी मिळाली. या मुळे देशातील जनतेचा आनंद द्विगुणित झाला. आता करोना लशीबाबत संस्था () आज मोठी घोषणा करणार असल्याचे सरकारने म्हटले आहे. केंद्रीय औषध प्राधिकरणाच्या एका विशेषज्ञांच्या समितीने देशात विकसित करण्यात आलेल्या कोव्हॅक्सिन या लशीला काही अटींसह मंजुरी देण्याची शिफारस झाल्यानंतर डीसीजीआयने आज पत्रकार परिषद आयोजित केली आहे. या बरोबरच केंद्रीय औषध मानक नियंत्रण संस्थेच्या (सीजीएससीओ) कोविड संबंधित एका विशेषज्ञांच्या समितीने शुक्रवारी ऑक्सफर्डच्या करोनारोधक लशीच्या आपत्कालीन वापराला देखील मंजुरीची शिफारस केली आहे. या बरोबरच, भारतात कोविडची पहिली लस येण्याचा मार्ग मोकळा झाला आहे. सीडीएसजीओच्या विशेषज्ञांच्या समितीने भारतात कोव्हिशिल्डच्या मर्यादित आपत्कालीन वापरासाठी सीरम इन्स्टीट्यूट ऑफ इंडियाला अनुमती देण्याची शिफारस केली आहे. सीडीएससीओच्या एसईसीने १ आणि २ जानेवारीला बैठक घेत भारताच्या औषध महानियंत्रकाला मंजुरीवर विचार करण्यासाठी आणि त्यावर अंतिम निर्णय घेण्याची शिफारस पाठवली असल्याची माहिती केंद्रीय आरोग्य मंत्रालयाने दिली आहे. कोव्हॅक्सिन ही लस भारत बायोटेकने भारतीय वैद्यकीय संशोधन परिषदच्या मदतीने स्वदेशी लशीच्या रुपात विकसित केली आहे. क्लिक करा आणि वाचा- एसईसीने शुक्रवारी ऑक्सफर्ड-एस्ट्राजेनेकाच्या करोना विषाणूरोधक लस कोव्हिशिल्डच्या भारतातील आपत्कालीन वापराच्या मंजुरीची शिफारस केली होती. देशातील जनतेचे व्यापक जनहीत पाहूनच ही मंजुरीची शिफारस करण्यात आल्याचे आरोग्य मंत्रालयाने म्हटले आहे. सूत्रांनी दिलेल्या माहितीनुसार औषधी कंपनी आपल्या तिसऱ्या टप्प्यातील लशीची चाचणी सुरूच ठेवणार आहे. या लशीत हा व्हायरस नष्ट करण्याची क्षमता असल्याचे समितीने म्हटले आहे. क्लिक करा आणि वाचा- क्लिक करा आणि वाचा-
