मुंबई : आठवडाभरापासून करोना रुग्णसंख्येत वाढ होत असून अर्थव्यवस्थेवर पुन्हा एकदा संकट गडद बनू लागले आहे. काही देशांमध्ये करोनाची दुसरी लाट येण्याची भीती व्यक्त करण्यात आल्याने पुन्हा एकदा गुंतवणूकदार सोन्याकडे आहे. आज शुक्रवारी कमॉडिटी बाजारात चांदीमध्ये नफावसुली होत असली तरी सोने मात्र तेजीत आहे. सोन्याचा भाव ४५००० रुपयांचा आसपास आहे. मल्टी कमॉडिटी एक्सचेंजमध्ये (MCX) आज शुक्रवारी सोन्याच्या किमतीत घसरण झाली. सकाळी सोने ४७ रुपयांनी स्वस्त झाले होते. सध्या सोन्याचा भाव प्रती १० ग्रॅम ४५०२० रुपये असून त्यात ६९ रुपयांची वाढ झाली आहे. याआधी सोन्याचा भाव ४४८०१ रुपयांपर्यंत खाली आला होता. एमसीएक्सवर सध्या एक किलो चांदीचा भाव ६७३७१ रुपये आहे. त्यात ३७६ रुपयांची घसरण झाली आहे. चांदीने आज ६७०२८ रुपयांचा नीचांकी स्तर गाठला होता. त्यात सकाळी ६२१ रुपयांची घसरण झाली होती. good returns या वेबसाईटनुसार आज शुक्रवारी मुंबईत २२ कॅरेट सोन्याचा भाव ४४२९० रुपये इतका आहे. २४ कॅरेट सोन्याचा भाव ४५२९० रुपये आहे. दिल्लीत २२ कॅरेट सोन्याचा भाव ४४३६० रुपये झाला आहे. २४ कॅरेटसाठी सोन्याचा भाव ४८३९० रुपये झाला आहे. चेन्नईत २२ कॅरेटसाठी ४२५९० रुपये असून २४ कॅरेटचा भाव ४६४६० रुपये आहे. कोलकात्यात २२ कॅरेट सोन्याचा भाव ४४५९० रुपये असून २४ कॅरेट सोन्याचा भाव ४७२९० रुपये आहे. अमेरिकेचे अध्यक्ष जो बायडन यांनी अर्थव्यवस्ठेला उर्जितावस्था देण्यासाठी नव्या आर्थिक पॅकेजचे संकेत दिले आहेत. त्याशिवाय कर महसूल वाढवण्यासाठी अमेरिकन सरकराने करवाढ करण्याची तयारी केली आहे. त्याचा परिणाम डॉलरच्या मूल्यावर दिसून आला. तर दुसरीकडे जगभरात करोना संसर्गाचे थैमान सुरू असून अद्यापही त्याला अटकाव करणे अशक्य असल्याची परिस्थिती आहे. करोनाने पुन्हा एकदा डोकं वर काढले असून फ्रान्समध्ये तिसरी लाट आहे. फ्रान्समधील काही भागांमध्ये मर्यादित स्वरुपाच्या लॉकडाउनची घोषणा पंतप्रधान जीन कॅस्टेक्स यांनी केली आहे. जागतिक कमॉडिटी बाजारात सोन्याचा भाव ०.४ टक्क्यांनी घसरला आणि १७३०.०६ डॉलर प्रती औंस झाला. त्याआधीच्या सत्रात देखील सोने ०.५ टक्क्यांनी स्वस्त झाले होते. तर चांदीच्या दरात ०.६ टक्के घसरण झाली आहे. चांदीचा भाव प्रती औंस २५.८९ डॉलर झाला आहे. सोन्याच्या किमतीत झालेली घसरण पाहून गुंतवणूकदार देखील धास्तावले आहेत. गुंतवणूकदारांनी गोल्ड ईटीएफमधून पैसे काढून घेण्यास सुरुवात केली असल्याचे कोटक सिक्युरिटीजच्या अहवालात नमूद करण्यात आले आहे.
