मुंबई : हवाई सेवा क्षेत्रातील आघाडीची कंपनी असलेलया गो एअरलाइन्स (इंडिया) लिमिटेडने ३६०० कोटी रुपयांचे भांडवल उभारण्यासाठी समभाग विक्रीची घोषणा केली आहे. नुकताच सिक्युरिटीज अँड एक्स्चेंज बोर्ड ऑफ इंडिया (सेबी) गो एअरला निधी उभारणीची परवानगी दिली.कंपनीचे इक्विटी शेअर्स बीएसई लिमिटेड आणि नॅशनल स्टॉक एक्स्चेंज लिमिटेड ऑफ इंडियामध्ये सूचिबद्ध करण्याचे प्रस्तावित आहे. गोएअरकडून आयपीओमध्ये ३६०० कोटीपर्यंतचे फ्रेश इक्विटी शेअर्स उपलब्ध करून देण्यात येणार आहेत. या प्रारंभिक समभाग विक्री योजनेसाठी आयसीआयसीआय सिक्युरिटीज लिमिटेड, सिटिग्रुप ग्लोबल मार्केट्स इंडिया प्रायव्हेट लिमिटेड आणि मॉर्गन स्टॅनली इंडिया कंपनी प्रायव्हेट लिमिटेड यांची जागतिक पातळीवरील समन्वयक आणि बुक रनिंग लीड मॅनेजर्स (जीसीबीआरएलएम) म्हणून नियुक्ती करण्यात आली आहे. गोएअर एक (यूएलसीसी) म्हणून इतर यूएलसीसी आणि लो-कॉस्ट-कॅरियर्स (एलसीसी) यांच्या तुलनेने लो युनिट कॉस्ट (प्रत्येक युनिटची कमी किंमत) व कामकाजातील कार्यक्षमता आणि विश्वासार्हता राखण्यावर भर दिला जातो, जेणेकरून अधिक चांगला ग्राहक अनुभव उपलब्ध करून देता येईल. ही भारतातील एक अत्यंत वेगाने प्रगती करणारी विमान कंपनी आहे. २०१८ साली त्यांचा स्थानिक बाजारपेठेतील हिस्सा ८.८ टक्के होता तो २०२० साली वाढून १०.८ टक्के एवढा झाला आहे. आर्थिक वर्ष २०२० मध्ये गोएअरचा विमानाचा वापर खूप होता. ३१ जानेवारी २०२१पर्यंत गोएअरची विमाने रद्द होण्याचे प्रमाण अत्यल्प म्हणजेच ०.३ टक्के एवढे होते. याच काळात गोअरकडे येणाऱ्या ग्राहकांच्या तक्रारींचे प्रमाण दर १०००० ग्राहकांमागे ०.३ इतके होते. तर हवाई क्षेत्राची सरासरी दर १०००० ग्राहकांपैकी १ इतके आहे. ३१ जानेवारी २०२० पर्यंत गोएअरने २८ स्थानिक आणि ९ आंतरराष्ट्रीय ठिकाणांना विमान सेवेने जोडले आहे. ताज्या भांडवल उभारणीमधून जमा होणारा निधी खालील उद्दिष्टांसाठी वापरण्याची गोएअरची योजना आहे. १) गोएअरने घेतलेल्या काही कर्जांची पूर्ण किंवा अंशतः मुदतपूर्व परतफेड किंवा नियोजित परतफेड करणे २) लीझ भाडेपट्टी आणि विमानांची भविष्यातील देखभाल यासाठी काही एअरक्राफ्ट लेसर्ना जारी करण्यात आलेल्या पतपत्रांची रोख जमा करून रिप्लेसमेंट करणे. ३) इंडियन ऑइल कॉर्पोरेशन लिमिटेडने कंपनीला पुरविलेल्या इंधनाचे पूर्ण किंवा अंशतः पेमेंट करणे. ४) सामान्य कॉर्पोरेट उद्दिष्टांची पूर्तता करणे. विस्तारीकरणाचा भाग म्हणून गोएअरने १४४ एअरबस ए ३२० एनईओ च्या डिलिव्हरीसाठी फर्म ऑर्डर दिली आहे. यापैकी कंपनीने ४६ एअरबस ए ३२० एनईओ विमानांची डिलिव्हरी घेतली आहे आणि राहिलेल्या ९८ एअरबस ए३२०एनईओच्या डिलिव्हरीच्या प्रतीक्षेत आहे.
