मुंबई : आंध्र प्रदेशातील आरोग्य सेवा क्षेत्रातील हाॅस्पिटल साखळी असलेल्या लिमिटेडने भांडवली बाजारातून निधी उभारण्याची घोषणा केली आहे. कंपनीचा इक्विटी शेअर्सच्या प्रारंभिक सार्वजनिक प्रस्ताव (आयपीओ) १६ जून २०२१ रोजी खुला होणार असून १८ जून २०२१ रोजी बंद होईल. या योजनेसाठी प्रती इक्विटी शेअर ८१५ ते ८२५ रुपये एवढा निश्चित करण्यात आला आहे. आयपीओमध्ये २१४४ कोटींचे इक्विटी शेअर्स विक्री केले जाणार आहेत. यातील १६,००३,६१५ इक्विटी शेअर्सची विक्री जनरल अटलांटिक सिंगापोर केएच प्रायव्हेट लिमिटेडद्वारे (“इन्व्हेस्टर सेलिंग शेअरहोल्डर”), ३८७,९६६ इक्विटी शेअर्सची विक्री डॉ. भास्करा राव बोलिनेनींद्वारे, ७७५,९३३ इक्विटी शेअर्सची विक्री, राज्यश्री बोलिनेनींद्वारे, ३८७,९६६ इक्विटी शेअर्सची विक्री बोलिनेनी रामनैय्या मेमोरियल हॉस्पिटल प्रायव्हेट लिमिटेडद्वारे (सर्व मिळून “प्रमोटर सेलिंग शेअरहोल्डर्स”) होणार आहे. या ऑफरमध्ये कंपनीच्या पात्र कर्मचाऱ्यांद्वारे सबस्क्रिप्शनसाठी २०० दशलक्ष एकत्रित मूल्याचे शेअर्स राखीव ठेवण्यात आले आहेत. याशिवाय प्रस्तावामध्ये कंपनीच्या कर्मचाऱ्यांना एम्प्लॉयी रिझर्वेशन पोर्शनमधील एलिजिबल एम्प्लॉयी बिडिंगमध्ये ऑफर प्राइसवर ४० रुपये सवलत देण्यात आली आहे. या योजनेत गुंवणूकादारांना किमान १८ इक्विटी शेअर्ससाठी आणि त्यानंतर १८च्या पटीतील इक्विटी शेअर्ससाठी बोली लावता येईल. सेबीच्या नियमानुसार नेट ऑफरचा किमान ७५ टक्के भाग क्वालिफाइड इन्स्टिट्यूशनल बायर्सना (“क्यूआयबी”, “क्यूआयबी पोर्शन”) वितरित केला जाणार आहे. तर एक तृतीयांश भाग देशांतर्गत म्युच्युअल फंडांसाठी राखीव असेल. यासाठी अँकर इन्व्हेस्टर्सना ज्या किंमतीला वितरण केले गेले, तेवढ्या किंमतीच्या किंवा त्याहून अधिक वैध बोली देशांतर्गत म्युच्युअल फंडांकडून येणे आवश्यक आहे. याशिवाय नेट क्यूआयबी पोर्शनच्या ५ टक्के भाग (अँकर इन्व्हेस्टर पोर्शन वगळता) केवळ म्युच्युअल फंडांना प्रमाणबद्ध वितरण करण्यासाठी उपलब्ध राहील. मुंबई शेअर बाजार (बीएसई) आणि नॅशनल स्टॉक एक्स्चेंच ऑफ इंडिया लिमिटेड (एनएसई) या दोन्ही भांडवली बाजारात शेअरची नोंदणी होणार असल्याचे कंपनीने म्हटलं आहे. कोटक महिंद्रा कॅपिटल कंपनी लिमिटेड, अॅक्सिस कॅपिटल लिमिटेड, क्रेडिट सुइस सिक्युरिटीज (इंडिया) प्रायव्हेट लिमिटेड आणि आयआयएफएल सिक्युरिटीज लिमिटेड हे ऑफरचे बुक रनिंग लीड मॅनेजर्स आहेत.
