लखनऊ/संभलः अफगाणिस्तानमध्ये क्रूर तालिबानने कब्जा केला आहे. यामुळे संपूर्ण अफगाणिस्तानमध्ये अस्थिर आणि अनियंत्रित स्थिती निर्माण झाली आहे. यामुळे भारत आपल्या नागरिकांना सुरक्षित मायदेशी आणण्यासाठी प्रयत्न करत आहे. दुसरीकडे भारतातील काही राजकीय नेते क्रूर आणि हिंसक तालिबानच्या कारवाईच्या समर्थनात वक्तव्य करत आहेत. यात समाजवादी पक्षाचे खासदार शफीकुर रहमान बर्क यांच्यासारखे नेत्यांचाही समावेश आहे. अफगाणिस्तानमध्ये तालिबान्यांची लढाई ही स्वातंत्र्यासाठी आहे, अशी मुक्ताफळं बर्क यांनी उधळली आहेत. तालिबान अफगाण नागरिकांच्या स्वातंत्र्यासाठी लढाई लढत आहे. अफागाणिस्तानचे स्वातंत्र्य हा त्यांचा मुद्दा आहे. अफगाणिस्तानमध्ये अमेरिकेचे राज्य का आहे? तालिबान तिथली एक शक्ती आहे आणि अफगाणिस्तानच्या नागरिकांना त्यांच्या नेतृत्वात स्वातंत्र्य हवे आहे, असं बर्क म्हणाले. उत्तर प्रेदशातील प्रादेशिक पक्ष असलेल्या पीस पक्षाचे प्रवक्ते शादाब चौहान यांनीही तालिबानचे समर्थन केले आहे. अमेरिका आणि तालिबानमध्ये शाततेसाठी चर्चा सुरू होती तेव्हा भारताचाही प्रतिनिधी तिथे होता. भारत सरकारने त्यावेळी विरोध केला नाही. मग आपल्या शेजारी देशात स्थापन होत असलेल्या सरकारशी का शत्रुत्व घ्यायचं, असं शादाब चौहान म्हणाले. दिल्ली दंग्यांतील आरोपीचा ऑडिओ व्हायरल पीस पक्षाचे नेते फैज अहमद फैज यांनीही सुरात सूर मिळवला. अफगाणिस्तानमध्ये सत्ता परिवर्तन नाही, व्यवस्था परिवर्तन झाले आहे. आपल्या स्वातंत्र्यासाठी लढण्याचा जगातील प्रत्येक नागरिकाला हा अधिकार आहे, असं फैज म्हणाले. फक्त राजकीय नेतेच नाही तर तालिबानला समर्थन देणाऱ्यांमध्ये जामियाचा 'विद्यार्थी' आणि दिल्ली दंग्याचा आरोपी आसिफ इकबाल तन्हा चाही यात समावेश आहे. इकबाल आणि त्याच्या काही साथीदारा ऑनलाइन आले आणि त्यांनी अफगाणिस्तानमध्ये तालिबानी राजवट आल्यावर आनंद व्यक्त केला होता. त्यांची एक ऑडिओ क्लिप व्हायरल झाल्याने हे प्रकरण चर्चेत आले.
