अयोध्या : अयोध्येतील वादग्रस्त जागेचा तिढा सर्वोच्च न्यायालयाकडून सोडवण्यात आल्यानंतर ५ ऑगस्ट २०२० रोजी देशाचे यांनी भव्य राम मंदिराची आधारशिळा ठेवली होती. देशातील आणि राज्यातील सत्ताधारी भाजपच्या दृष्टीने आजचा हा दिवस एखाद्या ऐतिहासिक घटनेपेक्षा कमी नाही. त्यामुळेच हा दिवस आणखीन खास बनवण्यासाठी खुद्द राज्याचे मुख्यमंत्री आज अयोध्येला दाखल होत आहेत. करोना संक्रमण जोरावर असतानाही वर्षभरापूर्वी आजच्याच दिवशी अयोध्येत राम जन्मभूमी पूजन कार्यक्रम पार पडला होता. या निमित्तानं पहिल्यांदाच देशाच्या पंतप्रधान पदावर असलेल्या व्यक्तीनं एखाद्या धार्मिक सोहळ्यात सार्वजनिक हजेरी लावली होती. राम जन्मभूमी पूजनाच्या निमित्तानं मुख्यमंत्री आज अयोध्येला दाखल होत आहेत. इथं ते रामललाची भव्य आरतीही करणार आहेत. सोबतच, हनुमानगढी जाऊन ते पूजा-अर्चनाही करतील. राम मंदिर निर्माणाचं काम सध्या जोरात सुरू आहे. याच दरम्यान मुख्यमंत्री योगी मंदिराच्या कामाची पाहणीही करतील. मुख्यमंत्री योगींनी अयोध्येत दाखल होण्यापूर्वी राम मंदिर भूमीपूजनाच्या वर्षपूर्तीच्या देशवासियांना शुभेच्छा दिल्या आहेत. भाजपच्यावतीनं आज साजरा केला जाणार आहे. या कार्यक्रमाद्वारे एक कोटी गरीबांना एका दिवसात ५ किलो धान्य दिलं जाणार आहे. मुख्यमंत्री योगी अयोध्येतून कार्यक्रमाला सुरूवात करतील. पंतप्रधान नरेंद्र मोदीही या कार्यक्रमाला व्हिडिओ कॉन्फरन्सिंगच्या माध्यमातून हजेरी लावणार आहेत. आगामी उत्तर प्रदेश विधानसभा निवडणूक २०२२च्या दृष्टीने भाजपकडून हिंदुत्वाचा मुद्दा जोरदारपणे उचलून धरला जाणार, हे स्पष्टच आहे. अयोध्येतील राम मंदिर, वाराणसीत काशी विश्वनाथ कॉरिडोर आणि विध्याचलमध्ये विध्याचल कॉरिडोरचं निर्माण हे स्पष्ट करण्यासाठी पुरेसं आहे. उल्लेखनीय म्हणजे, मुख्यमंत्री पदावर आरुढ झाल्यानंतर मुख्यमंत्री योगी आदित्यनाथ यांनी तब्बल २५ हून अधिक वेळा अयोध्येचा दौरा केला आहे. त्यामुळे, आगामी निवडणुकीत अयोध्या हा राजकारणाचा आखाडा ठरला तर अनेकांना त्याचं आश्चर्य वाटणार नाही.
