मुंबईः राष्ट्रवादीचे नेते आणि राज्याचे माजी गृहमंत्री (Anil Deshmukh) यांना अखेर सक्तवसुली संचालनालयाने अटक केली आहे. देशमुख यांची सोमवारी तब्बल १३ तास ईडीने (ED) चौकशी केली. त्यानंतर देशमुख यांच्यावर अटकेची कारवाई करण्यात आली. देशमुख यांच्या अटकेनंतर राज्यात पुन्हा एकदा शिवसेना- भाजप यांच्यात सामना रंगण्याची शक्यता आहे. देशमुखांच्या अटकेनंतर भाजप नेते () यांनी खोचक ट्वीट केलं आहे. 'अनिल देशमुख हॅपी दिवाळी आणि अनिल परब मेरी ख्रिसमस? स्पेशल थँक्स टू नवाब मलिक आणि संजय राऊत,' असं ट्वीट नितेश राणेंनी केलं आहे. नितेश राणेंच्या या ट्वीटची सध्या राजकीय वर्तुळात चर्चा आहे. तसंच, या ट्वीटचा नेमका अर्थ काय?, असेही सवाल उपस्थित होत आहेत. अनिल देशमुखांनंतर अनिल परब हे ईडीच्या रडारवर असतील का?, असे सवाल सध्या उपस्थित होत आहेत. वाचाः दरम्यान, सोमवारी अनिल देशमुख यांना रात्री १२च्या सुमारास ईडीच्या अधिकाऱ्यांनी अटक केली आहे. गेल्या अनेक दिवसांपासून गायब असलेल्या अनिल देशमुख हे सोमवारी प्रथमच समोर आले होते. व ईडीच्य चौकशीसाठी सहकार्य करणार, असं म्हणाले होते. यावेळी देशमुख यांच्यासोबत त्यांचे वकील उपस्थित होते. जवळपास १३ तास अनिल देशमुख यांची चौकशी झाली आणि सायंकाळी साडेसात वाजता दिल्लीतील काही अधिकारी ईडी कार्यालयात हजर झाले होते. त्यानंतर पुन्हा देशमुख यांची चौकशी झाली आणि अखेर रात्री त्यांच्यावर अटकेची कारवाई करण्यात आली. वाचाः
