बुलढाणा : जन्म आणि मृत्यू हे त्रिकाल सत्य आहे, पण जेव्हा एखादी दुःखद घटना घडते, तेव्हा परिवारावर दुःखाचा डोंगर कोसळत असतो. अशा परिस्थिती देखील घरातील एखादी व्यक्ती खंबीरपणे उभे राहणे आवश्यक आहे. असंच काहीच बुलढाणा जिल्ह्यातील अंत्री खेडेकर येथे घडले. वडील नसताना आईजवळ मुलगा व त्याची पत्नी दोन लहानग्या मुलांना घेऊन राहत होती. परंतु अचानक मुलाची पत्नीही दोन लेकरांना घेऊन निघून गेली. त्यामुळे भावाचा सांभाळ बहीण करीत होती. अचानक भावाचा हृदयविकाराच्या झटक्याने मृत्यू झाला. मृत्यू समयी त्याचा मुलगा हजर होता, परंतु भाच्याला बाजूला सारून बहिणीने भावाला अग्नी दिली. बहिणीचा हा आदर्श पाहून उपस्थित मंडळी आश्चर्यचकित झाले आणि त्यांचे डोळे देखील पाणावले. बुलढाणा जिल्ह्यात चिखली तालुक्यातील इसोली येथील रहिवासी असलेले दशरथ गवई यांची दोन मुलं लहान असताना मृत्यू झाला होता. त्यांच्या पश्चात पत्नीने दोन्ही मुलांचा सांभाळ करून मुलीचे लग्न करून दिले. मुलगी अंत्री खेडेकर येथील समाधान अधिकारराव मोरे यांच्या सोबत सुखाने संसार करते. त्याच बरोबर मुलीच्या घरी जाणे येणे राहिले पाहिजे म्हणून मुलासाठीही अंत्री खेडेकर येथील सून करून आणली. मुलाचा संसार दोन मुले होईपर्यंत चांगला होता. पण अचानक सून दोन मुलांना सोबत घेऊन घरातून निघून गेली. त्यामुळे मुलीने वयोवृद्ध आई व भावाला कायम सोबत राहण्यासाठी अंतरी खेडेकरला आणले. मुलीच्या घरी तीन वर्षांपूर्वी आईचा मृत्यू झाला. नंतरही भाऊ काम धंदा करीत बहिणीच्या घरी राहू लागला. बहीणही भावाचा एका मुलासारखा सांभाळ करीत होती. मात्र अचानक भावाचे हृदयविकाराच्या झटक्यानं निधन झाले. हेही वाचा : वडिलांचे निधन झाल्याची माहिती मुलाला लागतात मुलगा धावत वडिलांकडे आला. मात्र बहीण आणि नातेवाईकांनी मुलाला मुखाग्नी देण्यासाठी नकार दिला. त्यामुळे बहिणीने एक समाजात आगळावेगळा आदर्श हाती घेऊन भावाला अग्नी दिला. हा प्रकार पाहून उपस्थित मंडळी आश्चर्यचकित झाली. पण त्यांचे डोळे देखील पाणावले होते. संपूर्ण परिसरात याची चर्चा होत आहे. हेही वाचा :
