मुंबई : रोहित शर्माच्या वाढदिवशी अखेर मुंबई इंडियन्सने विजय साकारला. अखेरच्या षटकात सलग तीन षटाकर खेचत मुंबईने हा विजय मिळवला. पण या विजयानंतर आता मुंबई इंडियन्सच्या संघासाठी आता एक आनंदाची बातमी आली आहे.रोहित शर्मा या सामन्यात लवकर बाद झाला, त्याला तीन धावाच करता आल्या. आपल्या वाढदिवशी रोहितला यावेळी मोठी खेळी साकारता आली नाही. पण ती कसर काही प्रमाणात सूर्यकुमार यादवने भरून काढली. कारण सूर्याने यावेळी २४ चेंडूंत आपले अर्धशतक साकारले. त्यानंतर सूर्या बाद झाला आणि मुंबईच्या चाहत्यांची निराशा झाली. सूर्यकुमारने २९ चेंडूंत आठ चौकार आणि दोन षटकारांच्या जोरावर ५५ धावांची खेळी सााकारली. अर्धशतक झळकावणारा सूर्या हा मोक्याच्या क्षणी बाद झाला. पण त्यानंतर तिलक वर्मा आणि टीम डेव्हिड यांनी प्रयत्नांची शर्थ केली. डेव्हिडने यावेळी अखेरच्या षटकात १७ धावा हव्या असताना सलग तीन षटकार लगावले आणि संघाला त्याने दणदणदीत विजय मिळवून दिला. पण या विजयानंतर आता मुंबई इंडियन्सच्या संघाला एक आनंदाची बातमी मिळाली आहे.हा सामना संपला आणि त्यानंतर गुणतालिका जाहीर करण्यात आली. या सामन्यापूर्वी मुंबईचा संघ हा नवव्या स्थानावर होता. त्यावेळी मुंबईच्या खात्यात फक्त सहा गुण होते, पण मुंबईचा हा चौथा विजय ठरला. त्यामुळे आता मुंबई इंडियन्सचे आठ गुण झाले आहेत. त्यामुळे मुंबई इंडियन्सच्या संघाला गुणतालिकेत आता आनंदाची बातमी मिळाली आहे. कारण आता मुंबई इंडियन्सचा संघ हा गुणतालिकेत सातव्या स्थानावर पोहोचला आहे. सर्वात महत्वाचे म्हणजे आता मुंबई इंडियन्सचे या स्पर्धेतील आव्हान अजूनही कायम आहे. त्यामुळे हा सामना मुंबईसाठी सर्वात महत्वाचा ठरला आणि त्यांच्यासाठी गुणतालिकेतही आनंदाची बातमी आली आहे.मुंबई इंडियन्सने सलग दोन पराभवानंतर हा विजय मिळवला आहे. कारण यापूर्वी गुजरात आणि पंजाब यांनी मुंबईला पराभूत केले होते. पण या विजयासह मुंबईने दोन गुणांचीही कमाई केली आहे.
