जेरुसलेम: इस्रायल आणि पॅलेस्टाईनची दहशतवादी संघटना हमास यांच्यातील युद्ध अधिक तीव्र झाले आहे. दोन्ही देश एकमेकांवर रॉकेटने हल्ला करत आहेत. यासर्वात हमासच्या दहशतवाद्यांनी रॉकेट बनवण्यासाठी केलेल्या जुगाडचीच अधिक चर्चा आहे. हमासने चक्क पाण्याच्या पाईप्सपासून रॉकेट बनवले, जे इस्रायलशी युद्धात वापरत ते आहे, असा दावा केला जात आहे.गाझामध्ये स्वच्छ पाण्यासाठी युरोपियन युनियनने (EU) पाण्याची पाइपलाइन टाकण्यासाठी पैसे दिले होते. वेगवेगळ्या ठिकाणी पाइपलाइनही टाकण्यात आल्या होत्या, पण हमासच्या दहशतवाद्यांनी या पाइपलाइनचा वापर रॉकेट बनवायसाठी केली. अत्यंत धोकादायक रॉकेटमध्ये या पाईप्सचं रूपांतर करुन ते इस्रायलविरुद्ध युद्धात वापरले जात आहे. ब्रुसेल्सने पॅलेस्टाईनमध्ये पाण्याची पाइपलाइन टाकण्यासाठी १०० दशलक्ष युरो म्हणजेच ८७६ कोटी रुपयांची मदत केली. पण, हमासच्या दहशतवाद्यांनी अशी युक्ती केली की त्यांनी या पाइपलाइनचेच रॉकेटमध्ये रूपांतर केले. हमासचे दहशतवादी नवनवीन पद्धतीने शस्त्रे बनवण्यासाठी प्रसिद्ध असल्याची माहिती आहे. त्यांनी इस्त्रायली ड्रोनची नक्कल करून स्वतःसाठी घरगुती ड्रोन बनवले. त्यानंतर ७ सप्टेंबर २०२३ रोजी त्याच ड्रोनमधून ग्रेनेड फेकण्यात आले. हमासला रॉकेट कुठून मिळतात?दहशतवादी संघटना हमासकडे हल्ले करण्यासाठी रॉकेट कुठून मिळतात, हा सर्वात मोठा प्रश्न आहे. इराण, सीरिया आणि सुदान या दहशतवादी संघटना हमासला रॉकेट पुरवत असल्याचे मानले जाते आहे. मात्र, तिन्ही देश हे दावे फेटाळून लावत आहेत. हमासने स्वत:साठी बनवलेले रॉकेट तंत्रज्ञानाच्या दृष्टीने फारसे प्रगत नसले, तरी ते खूप नुकसान करतात.हमास कोणत्या प्रकारचे रॉकेट वापरते?दहशतवादी संघटना सहसा इराणमध्ये बनवलेल्या फतेह-११० रॉकेटचा वापर करते. त्याचे वजन ५०० किलो आहे. त्याची रेंज ३०० किलोमीटर आहे. याशिवाय, हमास अल कुद्स नावाच्या घरगुती रॉकेटचाही वापर करते. त्याच्या रेंजमध्ये संपूर्ण इस्रायल येते. हमास कासम नावाचे रॉकेट वापरते. हे रॉकेट बनवण्यासाठी हमासने पाण्याच्या पाइपलाइनचा वापर केल्याचा दावा केला जात आहे.
