मुंबई: बॉलिवूडचा दबंग स्टार सलमान खानचा विश्वासू बॉडिगार्ड गुरमीत सिंग उर्फ शेरा याने शिवसेनेत प्रवेश केला आहे. शिवसेना पक्षप्रमुख उद्धव ठाकरे यांच्या उपस्थित मातोश्रीवर शेराने शिवबंधन बांधले. शिवसेना नेते आदित्य ठाकरे यांनी शेराच्या हाती शिवबंधन बांधत पक्षात स्वागत केले. रात्री उशिरा शिवसेनेच्या ट्विटर हॅण्डलवर याची माहिती देण्यात आली. विधानसभा निवडणूक मतदानासाठी अवघे काही तास शिल्लक असताना शिवसेनेत इनकमिंग सुरू असल्याचे चित्र आहे. सलमान खानचा जवळचा आणि अंत्यत विश्वासू म्हणून शेराची ओळख आहे. मागील २२ वर्षांपासून शेरा सलमान खानचा बॉडिगार्ड म्हणून काम करत आहे. विधानसभा निवडणूक प्रचाराची सांगता शनिवारी होणार आहे. त्यामुळे या शेवटच्या दिवशी शेरा प्रचारात उतरणार का, याची चर्चा सुरू आहे. अशी होतेय निवडणूक २७ सप्टेंबर : निवडणुकीची अधिसूचना ४ ऑक्टोबर : उमेदवारी अर्जासाठी मुदत ५ ऑक्टोबर : उमेदवारी अर्जांची छाननी ७ ऑक्टोबर : अर्ज मागे घेण्याची मुदत २१ ऑक्टोबर : मतदान २४ ऑक्टोबर : मतमोजणी
