विशाखापट्टणम: भारतीय क्रिकेट संघाचा धडाकेबाज फलंदाज यानं सलामीवीर म्हणून पहिल्याच कसोटी सामन्यात शतक ठोकून नवा विक्रम रचला आहे. एकदिवसीय, टी-२० आणि कसोटी अशा तिन्ही प्रकारच्या क्रिकेटमध्ये सलामीवीर म्हणून शतक ठोकणारा रोहित शर्मा हा पहिलाच फलंदाज ठरला आहे. जगभरात आतापर्यंत सात फलंदाजांनी ही किमया केली आहे. एकाही भारतीय फलंदाजाला आजपर्यंत ही कामगिरी करता आली नव्हती. रोहितनं ही कामगिरी करत एका नव्या विक्रमाची नोंद केली आहे. रोहित शर्मा हा एकदिवसीय व टी-२० क्रिकेटसाठी उत्तम फलंदाज मानला जातो. कसोटीमध्ये त्याला अद्याप फारसं यश मिळालं नव्हतं. दक्षिण आफ्रिकेविरुद्ध सध्या सुरू असलेल्या कसोटी मालिकेतून त्यानं हे अपयश धुवून काढण्याच्या दिशेनं पाऊल टाकलं आहे. वाचा: एकदिवसीय क्रिकेटमध्ये रोहितनं आतापर्यंत २७ शतकं ठोकली आहेत. त्यातील तब्बल २५ शतकं त्यानं सलामीला येऊन केली आहेत. तर, टी-२० क्रिकेटमध्ये त्यानं सलामीला खेळताना चार शतकं ठोकली आहेत. हा एक विश्वविक्रम आहे. तिन्ही प्रकारामध्ये शतकं ठोकणारे सलामीवीर क्रिकेटच्या तिन्ही फॉरमॅटमध्ये शतकं ठोकणाऱ्यांमध्ये रोहितसह वेस्ट इंडिजचा धडाकेबाज फलंदाज ख्रिस गेल, न्यूझीलंडचा ब्रँडन मॅक्कलम, मार्टिन गप्टिल, श्रीलंकेचा तिलकरत्ने दिलशान, पाकिस्तानचा अहमद शहजाद, ऑस्ट्रेलियाचे शेन वॉटसन आणि बांगलादेशचा तमीम इकबाल यांचा समावेश आहे. गेल यांनी सलामीवीर म्हणून कसोटीत १५, एकदिवसीय सामन्यात २५ आणि टी-२० मध्ये दोन शतकं ठोकली आहेत. वाचा:
