मुंबईः आरेतील वृक्षतोडीविरोधातील याचिका हायकोर्टाने फेटाळल्यानंतर एका रात्रीत आरेतील जवळपास तीनशेहून अधिक झाडं कापण्यात आली. पर्यावरण प्रेमींना झाडांच्या कत्तलीची माहिती मिळताच त्यांनी आरेमध्ये धाव घेतली. आरेतील झाडांची होणारी कत्तल पाहून अनेक कलाकारही आरेच्या समर्थनासाठी उतरले आहेत. सोशल मीडियाच्या माध्यमातून त्यांनी निषेध व्यक्त केला आहे. चित्रपटांबरोरच सामाजिक मुद्द्यांवर आवाज उठवणारी स्वरा भास्करनं आरेतील वृक्षतोडीला काडाडून विरोध केला आहे. आणि हे सुरू झालं! आरे जंगल, नष्ट होतेय. असं ट्वीट तिनं केलंय. अभिनेता फरहान अख्तरनंही रात्रीच्या अंधारात झाडं कापण्याचा निर्णय अत्यंत चुकीचा आहे, झाडं कापणाऱ्यांनाही माहिती आहे ते चुकीचं करतायेत. असं ट्वीट केलंय. पर्यावरण आणि सामाजिक चळवळीत नेहमी भाष्य करणारी अभिनेत्री दिया मिर्झानंही सोशल मीडियावर संताप व्यक्त केलाय. दियानं एक व्हिडिओ शेअर केला आहे. आरेमध्ये घडणाऱ्या ही घटना बेकायदेशीर नाहीये? असा सवाल तिनं केलाय. अभिनेत्री सई ताम्हणकरनंही 'आरे'तील झाडं कापणाऱ्यांना खडे बोल सुनावले आहेत. काय आहे आरे प्रकरण? मुंबईतील आरे वसाहतीत उभारण्यासाठी मुंबईतील आरे वसाहतीत २, ७०० झाडे तोडण्याची परवानगी देण्यात आली आहे. या निर्णयाला मुंबईकरांनी तीव्र निषेध केला आहे. अनेक कलाकारही वृक्षतोडीला विरोध केला आहे. कलाकारांचा पाठिंबा काही दिवसांपूर्वी अमिताभ बच्चन आणि सुमित राघवन यांनी मेट्रोला पाठिंबा दिला होता. 'आरे'तील मेट्रो कारशेडला विरोध करणाऱ्यांचेही अप्रत्यक्षपणे कान टोचले होते. त्यानंतर पर्यवरण प्रेमींनी आमिताभ बच्चन यांच्या घरासमोर निषेध व्यक्त केला होता.
