मुंबई: ऑनलाइन शॉपिंगच्या माध्यमातून सुरू असलेल्या फेस्टीव्ह सीझनने धम्माल चालवली आहे. प्रिमीयम स्मार्टफोन मेकर कंपनी वनप्लसने मंगळवारी सांगितलं की कंपनीने अॅमेझॉन इंडियावरील फेस्टिव्ह सीझनमध्ये ५०० कोटी रुपयांची कमाई केली आहे. गेल्या वर्षीच्या तुलनेत कंपनीला चक्क १०० टक्के अधिक फायदा मिळाला आहे. भारतात सध्या अॅमेझॉन आणि फ्लिपकार्टवर फेस्टिव्हल सीझन सुरू आहे. हा सेल ४ ऑक्टोबरपर्यंत सुरू राहणार आहे. वनप्लस 7T ला जोरदार रिस्पॉन्स कंपनीने सांगितलं की अलीकडे लाँच झालेल्या ला खूपच चांगला प्रतिसाद मिळाला आहे. प्रीमियम फोनच्या या कॅटेगरीत या फोनने इतर सर्व स्मार्टफोन्सना मागे टाकलं आहे. हा फोन गेल्या काही दिवसांपूर्वीच भारतात लाँच झाला होता. वनप्लसने या स्मार्टफोनमध्ये ८ जीबी रॅम + १२८ जीबी स्टोरेज मॉडेलसाठी ३७,९९९ रुपये आणि ८ जीबी रॅम + २५६ जीबी स्टोरेजसाठी ३९,९९९ रुपये आकारले आहेत. हा ग्लेशियर ब्ल्यू आणि फ्रॉस्टेड सिल्व्हर रंगात उपलब्ध आहे. २८ सप्टेंबरपासून हा अॅमेझॉनवर उपलब्ध झाला आहे. स्मार्टफोनमध्ये ६.५५ इंचाचा AMOLED डिस्प्ले आहे, ज्यात इन-डिस्प्ले फिंगरप्रिंट सेंसरदेखील आहे. हा फ्लुइड डिस्प्ले टेक्नॉलॉजी आणि ९० Hz रिफ्रेश रेट टेक्नॉलॉजीसह उपलब्ध आहे. हा फोन १२८ जीबी आणि २५६ जीबी मेमरीसह लाँच केला आहे. ८ जीबी रॅमसोबत स्नॅपड्रॅगन 855+ प्रोसेसर दिलं आहे. हा प्रोसेसर गेल्या डिव्हाइसपेक्षा १५ टक्के जास्त चांगला परिणाम देणारा आहे. विशेष बाब म्हणजे, यूजर्सना 7T मध्ये लेटेस्ट Android 10 ओएस देखील मिळणार आहे. OnePlus 7Tची वैशिष्ट्ये >> ६.५५ फुल एचडी प्लस फ्लूयड एलईडी >> ट्रिपल कॅमेरा >> ४८ मेगापिक्सल प्रायमरी कॅमेरा >> १६ मेगापिक्सल अल्ट्रावाइड >>१२ मेगापिक्सल टेलेफोटो >> सेल्फीसाठी १६ मेगापिक्सलचा कॅमेरा >> क्वालक्वाम स्नॅपड्रॅगन ८५५ >> ३८०० एमएएच क्षमतेची बॅटरी
