नवी दिल्ली: एचएमडी ग्लोबलने नवीन एंट्री-लेव्हल नोकिया स्मार्टफोन बाजारात आणला आहे. () स्मार्टफोन अँड्रॉइड ९ पाय गो आवृत्तीवर चालतो. नोकियाने या स्मार्टफोनची किंमत अद्याप जाहीर केली नाही. नोकिया सी१ च्या सहाय्याने आफ्रिका, मध्य पूर्व आणि एशिया पॅसिफिक देशातील कोट्यावधी लोक फीचर फोनवरून स्मार्टफोनमध्ये अपग्रेड करू शकतील, असे कंपनीचे अधिकारी जूहो सरविकास यांनी माहिती देताना सांगितले. नोकिया सी१ मध्ये ही आहेत वैशिष्ट्ये या स्मार्टफोनमध्ये पारंपरिक डिझाइनचा वापर केला गेला आहे. फोनच्या वरच्या आणि खालच्या भागात जाड बेझल देण्यात आले आहेत. फोनच्या टॉप बेझलमध्ये फ्रंट कॅमेरा आणि सेन्सर देण्यात आला आहे. नोकिया सी१ फोनमध्ये ५.४५ इंचाचा FWVGA IPS डिस्प्ले देण्यात आला आहे. फोनमध्ये ५ एमपीचा रियर कॅमेरा आहे. सेल्फी आणि व्हिडिओ कॉलिंगसाठी फोनमध्ये ५ एमपीचा फ्रंट कॅमेरा आहे. फोनमध्ये दोन्ही कॅमेऱ्यांसह फ्लॅश देण्यात आला आहे. थ्रीजी कनेक्टिव्हिटी १.३GHz क्वाड कोर प्रोसेसरसह फोनमध्ये १ जीबी रॅम देण्यात आला आहे. फोनमध्ये १६ जीबी मेमरी आहे. फोनमध्ये मायक्रोएसडी कार्डद्वारे स्टोरेज ६४GB पर्यंत वाढवता येऊ शकते. फोनमध्ये २५०० एमएएच बॅटरी आहे. फोनमध्ये फोरजी कनेक्टिव्हिटीही देण्यात आलेली आहे नाही. याचा अर्थ या फोनला फक्त थ्रीजी कनेक्टिव्हिटी देण्यात आली आहे. कनेक्टिव्हिटीसाठी, फोनमध्ये एफएम रेडिओ, ३.५ मिमी हेडफोन जॅक, वाय-फाय ८०२.११ बी / जी / एन, जीपीएस, ब्लूटूथ ४.२ आणि मायक्रो यूएसबी पोर्ट आहेत. स्मार्ट टीव्हीही केली लाँच कंपनीने नुकताच भारतात ५५ इंचाचा फोरके स्मार्ट टीव्ही बाजारात आणला आहे. टीव्ही विक्रीसाठी कंपनीने ऑनलाइन शॉपिंग वेबसाइट फ्लिपकार्टबरोबर भागीदारी केली आहे. त्याची विक्री १० डिसेंबरपासून सुरू करण्यात आली आहे. नोकियाने स्मार्ट टीव्हीची किंमत ४१,९९९ रुपये केली आहे. हा स्मार्ट टीव्ही फक्त फ्लिपकार्टवरून खरेदी करता येणार आहे. ऑफर म्हणून कंपनी स्मार्ट टीव्ही खरेदीवर १० टक्क्यांची सूटही देत आहे. याशिवाय नो-कॉस्ट ईएमआय पर्यायदेखील उपलब्ध असणार आहे. हा स्मार्ट टीव्ही अँड्रॉइड ९ पायवर आधारित असलेल्या अँड्रॉइड टीव्ही ऑपरेटिंग सिस्टमवर काम करतो. यात Google Play Store देखील आहे. या द्वारे वापरकर्ते त्यांच्या आवडीचे अ‍ॅप्स डाउनलोड करू शकतील. या फोरके टीव्हीमध्ये प्यूरएक्स क्वाड-कोर प्रोसेसर आणि २.२५ जीबी रॅम आहे. या नोकिया स्मार्ट टीव्हीमध्ये इंटेलिजेंट डिमिंग टेक्नॉलॉजी, डॉल्बी व्हिजन आणि एचडीआर १० सारखे अनेक फीचर्स देण्यात आले आहेत.
