मुंबई: आपल्या प्रियजनांना भेटवस्तू देऊन एखाद्या प्रसंगाचा आनंद द्विगुणीत करता येतो. नववर्षाच्या स्वागतासाठी तुम्ही कुटुंबीयांना, मित्र परिवाराला अशाच काही भेटी देऊन आनंद देऊ शकता. पण नेमकं काय गिफ्ट द्यायचं? असा प्रश्न तुम्हाला सतावत असेल तर हे आहेत काही पर्याय... >> चॉकलेट्स एखादी भेटवस्तू विकत घ्यायला तुमच्याकडे वेळ नसेल तर चॉकलेट्सचा पर्याय उत्तम आहे. कोणत्याही दुकानात वेगवेगळ्या प्रकारचे चॉकलेट्स सहज उपलब्ध असतात. >> फुलं/ रोप नव्या वर्षाचं स्वागत करण्यासाठी तुम्ही सुंदर फुलांचा गुच्छ किंवा एखादं रोप भेट म्हणून देऊ शकता. >> ग्रीटिंग कार्ड नव्या वर्षाच्या स्वागतासाठी तुम्ही सकारात्मक संदेश असलेलं एखादं ग्रीटिंग कार्ड भेट म्हणून देऊ शकाल. तुम्ही स्वत:च्या हातानंदेखील कार्ड बनवू शकाल. >> फोटो फ्रेम सरत्या वर्षातील सगळ्या आठवणींना उजाळा देणाऱ्या फोटोंची एक फोटोफ्रेमही भेटवस्तू म्हणून उत्तम पर्याय ठरते. >> कॅलेंडर नव्या वर्षासाठी कॅलेंडर ही उपयोगाची वस्तू ठरते. पारंपरिक कॅलेंडरसोबत वेगवेगळ्या थीमची कॅलेंडरदेखील बाजारात आली आहेत. >> डायरी इअर प्लॅनर असो किंवा डायरी हे गिफ्टसुद्धा उपयोगी असते. सुंदर रंगाच्या आकर्षक डायरी उत्तम भेट ठरू शकते.
