न्यूयॉर्क- हॉलिवूड निर्माता हार्वी वीनस्टीनवर अनेक हॉलिवूड अभिनेत्री आणि त्यांच्या सहकलाकारांवर जबरदस्ती सेक्स करण्याचा आरोप करण्यात आला होता. हॉलिवूडमध्ये सुरू झालेल्या मीटू चळवळीत अनेक महिलांनी हार्वी विरोधात अनेक धक्कादायक खुलासे केले. सोमवारी न्यूयॉर्क येथील एका न्यायालयाने वीनस्टीनला बलात्काराचा आणि लैंगिक शोषण केल्याच्या आरोपात दोषी ठरवले. गेल्या दोन वर्षांपासून हार्वीवर न्यायालयीन खटला सुरू होता अखेर त्याला दोषी ठरवण्यात आले. काय होता आरोप ६७ वर्षीय वीन्स्टीनवर त्याच्याच एका प्रोडक्शन असिस्टन्टने २००६ मध्ये तिला जबरदस्ती ओरल सेक्स करण्यास प्रवृत्त केल्याचा आरोप केला होता. याशिवाय अभिनेत्रीने २०१३ मध्ये मैनहॅटन येथील एका हॉटेलमध्ये बलात्कार केल्याचा आरोप केला होता. यामुळे हार्वीला मृत्यूदंडाची शिक्षा होऊ शकते. नावाजलेल्या अभिनेत्रींनी केले आरोप हार्वी वीनस्टीनच्या शिक्षेची घोषणा लवकरच करण्यात येईल. हॉलिवूडमधील अनेक नावाजलेल्या अभिनेत्रींनी वीनस्टीनवर लैंगिक शोषण केल्याचा आरोप केला होता. यात जेसिका बार्थ, एवा ग्रीन, सलमा हायेक, अँजेलिना जोली, ऐश्ली जूड, उमा थरमन यांच्या नावाचा समावेश आहे.
