जम्मू-काश्मीरमधील कलम ३७० रद्द केल्यानंतर तुर्कीचे राष्ट्रपती रिसेप तैयप एर्दोआन यांनी भारताचा विरोध केला होता. भारताचा विरोध करणाऱ्या राष्ट्रपतींना भेटण्यासाठी बॉलिवूड अभिनेता तुर्कीला गेल्याचा दावा करीत एक पोस्ट फेसबुकवर मोठ्या प्रमाणात व्हायरल केली जात आहे. दोघांनी हस्तांदोनल केल्याचा फोटोही शेअर केला जात आहे. फेसबुक युजर ‘Bajaj Manoj MB’ ने ‘WE SUPPORT NARENDRA MODI’ नावाच्या फेसबुक पेजवर एर्दोआन आणि आमीर खान यांचा एकत्र असलेला फोटो शेअर केला आहे. तसेच कॅप्शन लिहिेलेय की, चित्रपट अभिनेता आमीर खान तुर्कीच्या राष्ट्रपतींना भेटण्यासाठी तुर्कीत पोहोचला...तुर्कीने भारताचा विरोध केला असून त्यांचे पाकिस्तान प्रेम सर्वांना माहिती आहे.... पोस्टचे या ठिकाणी पाहा या फोटोच्या दाव्यासह अनेक फेसबुक युजर्सने हा फोटो शेअर केला आहे. राज्यसभेचे माजी खासदार आणि राष्ट्रीय स्वयंसेवक संघाचे मुखपत्र पांचजन्य शी संबंध असलेल्या तरुण विजय यांनीही अधिकृत ट्विटर हँडलवरून Turkish Presidency कडून ट्विट करण्यात आलेल्या या फोटोला कोट करीत लिहिलेय, हे खरं नाही का?, की त्यांनी मुंबईत नेतन्याहू यांना भेटण्यास नकार दिला होता?, जर इस्रायल भारताचा सर्वात चांगला व विश्वासू मित्र आहे. परंतु, या फोटोसाठी तुर्कीला गेले आहेत. खरं म्हणजे एर्दोआन भारताला नुकसान पोहोचवत आहेत. आपल्या शत्रूशी मैत्री करतात. खरं काय आहे? आमीर खान आणि तुर्कीचे राष्ट्रपती रिसेप तैयप एर्दोआन यांचा फोटो हा ऑक्टोबर २०१७ चा आहे. आमीर खान आपला चित्रपट सीक्रेट सुपरस्टार चे प्रमोशन करीत होता. यावेळी तो तुर्कीला गेला होता. कशी केली पडताळणी? आमीर आणि एर्दोआनचा व्हायरल होत असलेला फोटो गुगलवर रिवर्स इमेज सर्च केल्यानंतर आम्हाला नावाच्या वेबसाइटवर आर्टिकल मिळाले. हे आर्टिकल ८ ऑक्टोबर २०१७ रोजी प्रकाशीत झाले होते. याचे शीर्षक ‘Indian actor Amir Khan meets Erdogan’ होते. या आर्टिकलनुसार, भारतीय अभिनेता आमीर खानने चित्रपटाच्या प्रमोशन दरम्यान तुर्कीच्या राष्ट्रपतींची भेट घेतली होती. यावेळी आमीर खानने दंगल चित्रपटातील गाणेही गायले होते. तरुण विजयनेही तुर्कीश राष्ट्रपतींचे ज्या ट्विटला कोट केला आहे. ते ट्विट ७ ऑक्टोबर २०१७ रोजीचे आहे. निष्कर्ष आमीर खान व तुर्कीच्या राष्ट्रपतींचा जो फोटो सध्या व्हायरल होत आहे. तो फोटो ऑक्टोबर २०१७ चा आहे, असे 'मटा फॅक्ट चेक'च्या पडताळणीत स्पष्ट झाले आहे.
