मुलगा दोनदा आमदार, वडिलांचा पंक्चरचा धंदा!

https://ift.tt/32hZzXL

: दिल्लीत प्रचंड बहुमताच्या जोरावर अरविंद केजरीवाल यांच्या नेतृत्वाखाली '' पुन्हा एकदा सत्तेवर आलाय. या पक्षाचे दुसऱ्यांदा आमदार होण्याची संधी मिळालेले प्रवीण कुमार सध्या विशेष चर्चेत आहेत. याचं कारण म्हणजे, यांचे वडील मात्र आजही मध्यप्रदेशच्या भोपाळ शहरात एक सामान्य जीवन जगत आहेत. ते आजही मोठ्या अभिमानानं टायर पंक्चरचा व्यवसाय करत आपल्या कुटुंबाचं पालन-पोषण करत आहेत. परंतु, सोबतच त्यांना आपल्या मुलाच्या कर्तृत्वाचाही गर्व आहे. साधी राहणी, उच्च विचारसरणी आपल्या मुलाला विजयाच्या शुभेच्छा देताना पी. एन. देशमुख आजही थकत नाहीत. परंतु, मुलगा कितीही यशस्वी झाला तरी आपण मात्र आपल्या साध्या राहणीमानातच खूश असल्याचं देशमुख म्हणतात. भोपाळच्या बोगडा पूल भागात टायर पंक्चर काढण्याचं एक छोटं दुकान ते चालवतात. मुलानं अनेकदा दिल्लीत येऊन आपल्यासोबत राहण्यास बोलावलंय परंतु, आजपही देशमुख यांना भोपाळ सोडवत नाही. भोपाळच्या या छोट्या दुकानाच्या कमाईनंच माझ्या मुलांनी शिक्षण घेतलं आणि आज इथपर्यंत पोहचलेत. पण, त्यांनी यशानंतर या दुकानाला सोडून जाणं माझ्यासाठी शक्य नाही, असं म्हणत या भागाशी आणि आपल्या कामाशी नातं त्यांनी व्यक्त केलं. आमदार प्रवीण कुमार यांना दोन मुले आहेत. दोन्ही मुलांपैंकी प्रवीण हे लहान आहेत तर त्यांचा मोठा भाऊ हैदराबादमध्ये एका कंपनीत काम करतो. प्रवीण कुमार यांनी आपलं एमबीएपर्यंतचं शिक्षण भोपाळमध्येच घेतलं. त्यांनी दोन वेळा दिल्लीच्या जंगपुरा भागातून विजय मिळवलाय. दिल्ली जाण्यापूर्वी प्रवीणला समाजसेवा करायची होती. २०११ साली ते अरविंद केजरीवाल यांच्या संपर्कात आले. २०१२ मध्ये अण्णांसोबत ते लोकपाल आंदोलनातही सक्रीय झाले. २०१३ मध्ये आपच्या तिकीटावर ते निवडून आले. यंदाच्या विधानसभा निवडणुकीतही त्यांना पुन्हा एकदा यश मिळालंय.