लोणावळा: मुंबई-पुणे महामार्गावर अपघातांची मालिका सुरूच आहे. खोपोलीतील बोर घाटात काल झालेल्या अपघातानंतर आज एक्स्प्रेस वे-वर (Accident on ) खंडाळा घाटातील खोपोली एक्झिटजवळ ट्रक आणि अर्टिगा कारला भीषण अपघात झाला. त्यात एक जण ठार तर चार गंभीर जखमी झाले आहेत. सोमवारी पहाटे तीनच्या सुमारास हा अपघात झाला. अपघात इतका भयंकर होता की त्यात कारचा चक्काचूर झाला. अपघाताची दृश्ये हादरवून टाकणारी होती. हा अपघात नेमका कसा झाला, याची माहिती मिळू शकली नाही. अपघाताची माहिती मिळताच महामार्ग पोलीस व अन्य यंत्रणा घटनास्थळी दाखल झाल्या. जखमींना जवळच्या रुग्णालयात दाखल करण्यात आलं आहे. या प्रकरणी पुढील चौकशी सुरू आहे. मुंबई-पुणे राष्ट्रीय महामार्गावरून एक्स्प्रेस वे कडे जाणाऱ्या अंडा पॉइंटवर रविवारीच एका आयशर ट्रकनं तीन बाइक्सना चिरडल्याची घटना घडली होती. त्यानंतर आज पुन्हा अपघात झाला आहे. अपघातांचे प्रमाण कमी करण्यासाठी सातत्यानं प्रयत्न होत असतानाही हे प्रकार सुरूच असल्यानं आश्चर्य व्यक्त होत आहे. वाचा:
