नवी दिल्ली: काँग्रेसचे माजी अध्यक्ष राहुल गांधी यांनी स्थलांतरित मजुरांची स्थिती दाखवणारा एक माहितीपटाचा व्हिडिओ प्रसिद्ध केला आहे. माहितीपटावर भारतीय जनता पक्षाने जोरदार हल्ला चढवला आहे. भाजप नेते मुख्तार अब्बास नक्वी यांनी राहुल यांच्या हा व्हिडिओ राजकीय प्रदूषण असल्याचे म्हटले आहे. राहुल यांनी राजकीय राजकीय प्रदूषण पसरवणे थांबवावे, असेही नक्वी यांनी म्हटले आहे. हा मोठ्या संकटाचा काळ आहे, परंतु काँग्रेस नेते राजकारण करण्यात व्यग्र आहेत, असे केंद्रीय मंत्री नक्वी म्हणाले. केंद्र सरकार कठोर परिश्रम करून आणि संघर्ष करून कोरोनाशी लढा देण्यासाठी प्रयत्न करत आहे. राहुल गांधी दररोज गोंधळ निर्माण करायचा आहे. जर तुम्ही समस्या सोडवू शकत नसाल, तर राजकीय ढोंगीपणाचे भागीदार तरी बनू नका, असे आवाहन त्यांनी राहुल गांधी यांना केले आहे. वायनाडचे खासदार असलेले राहुल गांधी यांनी स्थलांतरित मजुरांशी चर्चा केली. त्या संभाषणाचा आज संपूर्ण व्हिडिओ आपल्या यूट्यूब वाहिनीवर प्रसिद्ध केला आहे. राहुल गांधी यांच्या आवाजातील या माहितीपटात कामगारांच्या अडचणी दाखण्यात आल्या आहेत. व्हिडिओमध्ये कामगारांनी लॉकडाउन दरम्यान असलेल्या अडचणींचा उल्लेख केला आहे. राहुल गांधी यांनी १६ मे रोजी दिल्ली येथे स्थलांतरित मजुरांची भेट घेतली. यानंतर त्यांनी आज व्हिडिओ प्रसिद्ध केला. वाचा: १७ मिनिटे २७ सेकंदाच्या व्हिडिओत कामगारांची वेदना व्हिडिओमध्ये राहुल गांधी यांनी लॉकडाउनच्या काळात स्थलांतरित मजुरांना कोणत्या समस्यांना सामोरे जावे लागले हे दाखवण्याचा प्रयत्न केला आहे. या व्हिडिओच्या माध्यमातून राहुल गांधी यांनी केंद्र सरकारवरही हल्लाबोल केला आहे.
