नवी दिल्ली: गेल्या २४ तासांमध्ये भारतात एकूण ६,६५४ नवे करोनाबाधित रुग्णांची नोंद करण्यात आली आहे. तर, गेल्या २४ तासांत एकूण १३७ लोकांचा मृत्यू झाला आहे. आतापर्यंत देशभरात कोरोना रुग्णांची संख्या १ लाख २५ हजार १०१ पर्यंत पोहोचली आहे. यापैकी ६९,५९७ सक्रिय रुग्ण आहेत. याबरोबरच आतापर्यंत करोनामुळे मरण पावलेल्या रुग्णांची संख्या ३,७२० इतकी झाली आहे. दरम्यान, एकूण रुग्णांपैकी ५१,७८४ रुग्ण उपचारानंतर बरे झाले आहेत. ही माहिती केंद्रीय आरोग्य मंत्रालयाने दिली आहे. त्याचबरोबर, दिल्लीमध्ये गेल्या २४ तासांमध्ये १४ नवीन हॉटस्पॉट्स तयार करण्यात आले आहेत. हे आतापर्यंतच्या दिवसभरातील सर्वात जास्त हॉटस्पॉट आहेत. यासह दिल्लीतील कंटेन्मेंट झोनची एकूण संख्या ९२ वर पोहोचली आहे.दरम्यान, दिल्लीचा एक भाग देखील कंटेनमेंट झोनच्या यादीतून वगळण्यातही आला आहे. यापूर्वी गुरुवारी कोरोनामुळे १४८ लोकांचा मृत्यू झाला होता. गुरुवारी सकाळी ६ वाजल्यापासून करोनामुळे १४८ लोकांचा मृत्यू झाला. तर ६,०८८ नवे रुग्ण आढळले, असे आरोग्य मंत्रालयाने माहिती देताना सांगितले. देशात एकूण ६६,३३० क बरे झाले आहेत. तसेच एक रुग्ण परदेशात रवाना झाला आहे. आतापर्यंत देशातील ४०.९७ टक्के रुग्ण बरे झाल्याची माहिती आरोग्य मंत्रालयाच्या एका वरिष्ठ अधिकाऱ्याने दिली. करोनाची लागण झालेल्या लोकांमध्ये परदेशी नागरिकांचाही समावेश आहे. गुरुवारी सकाळपासून करोनामुळे मृत्यू झालेल्या १८८ लोकांपैकी महाराष्ट्रातील ६४ रुग्ण, गुजरातमधील २४, दिल्लीतील १८, उत्तर प्रदेशातील ११, तामिळनाडूमधील ७, पश्चिम बंगालमधील ६, तेलंगणातील ५, राजस्थानमधील ४, मध्य प्रदेशातील ३, जम्मू-काश्मीरमधील २, बिहार, ओडिशा, हरियाणा आणि पंजाबमधील प्रत्येकी १ रुग्णांचा समावश आहे.
