मुंबई: छत्रपती राजर्षी शाहू महाराजांचा उल्लेख सामाजिक 'कार्यकर्ते' असा केल्याबद्दल राज्याचे विरोधी पक्षनेते यांच्यावर चौफर टीका होत आहे. फडणवीस यांनी या चुकीबद्दल माफी मागावी अशी मागणी शाहूप्रेमींनी केली आहे. तर, या निमित्तानं काँग्रेस, राष्ट्रवादीनंही फडणवीसांवर निशाणा साधला आहे. टीका होताच फडणवीसांनी हे ट्विट डिलिट केलं आहे. ६ मे रोजी हा शाहू महाराजांचा स्मृतिदिन. हा दिवस दरवर्षी वेगवेगळ्या कार्यक्रमांच्या माध्यमातून साजरा केला जातो. मात्र, यंदा लॉकडाऊनमुळं सार्वजनिक कार्यक्रम होऊ शकले नाहीत. त्यामुळं अनेकांनी सोशल मीडियाच्या माध्यमातूनच शाहू महाराजांना अभिवादन केले. माजी मुख्यमंत्री देवेंद्र फडणवीस यांनीही या संदर्भात बुधवारी एक ट्विट केले. त्यात त्यांनी शाहू महाराजांचा उल्लेख सामाजिक कार्यकर्ते असा केला. यातील कार्यकर्ते हा शब्द अनेकांना खटकला. त्यावरून फडणवीस यांना ट्विटरवर ट्रोल करण्यात आले. काँग्रेस व राष्ट्रवादी काँग्रेसनंही ही संधी साधत फडणवीसांना लक्ष्य केले आहे. काँग्रेसचे प्रवक्ते यांनी ट्विटरच्या माध्यमातून फडणवीसांवर टीका केली आहे. 'संघाच्या मनुवादी विचारांच्या मुशीतून आलेल्या फडणवीस यांनी छत्रपती शाहू महाराजांना कार्यकर्ता म्हणून कमी लेखणे आश्चर्यकारक नाही. मनुवाद आणायचा असल्यानं संघानं महात्मा फुले, शाहू महाराज व डॉ बाबासाहेब आंबेडकर यांचा कायम आकसच केला. मनातील भावना बाहेर आली एवढेच,' असं म्हणत सावंत यांनी फडणवीसांचा निषेध केला आहे. राष्ट्रवादीचे नेते यांनी अत्यंत कडवट शब्दांत फडणवीसांवर टीका केली आहे. 'फडणवीसांनी जाणीवपूर्वक हे केले आहे, असा आरोप त्यांनी केला आहे. त्याबद्दल त्यांनी छत्रपती शाहू स्मारकावर नाक घासून माफी मागावी, अशी मागणी मिटकरी यांनी केली आहे. 'तुमचे पूर्वज शाहू महाराजांकडे कार्यकर्ते म्हणून झाडू मारायला होते हे विसरू नका,' असंही त्यांनी फडणवीसांना सुनावलं आहे.
