मुंबईः लाहोरहून कराचीला जाणारे विमान कराचीतील जिना आंतरराष्ट्रीय विमानतळाजवळ शुक्रवारी दुपारी अडीचच्या सुमारास कोसळले. या अपघातात अनेक जणांचा मृत्यू झाल्याची भीती व्यक्त करण्यात येत आहे. या भीषण अपघाताबद्दल बॉलिवूडमधील अनेक कलाकारांनी दु:ख व्यक्त केले आहे. जिना आंतरराष्ट्रीय विमानतळावर उतरण्यापूर्वीच काही मिनिटे अगोदर विमानाचा संपर्क तुटला आणि ते कोसळले. या अपघातावर पंतप्रधानांसहित अनेक बॉलिवूड कलाकारांनी शोक व्यक्त केला आहे. 'कराचीमध्ये झालेल्या अपघाताबद्दल ऐकून खूप दुःख झालं. या दुःखात आम्ही सर्व जण तुमच्या बरोबर आहोत.' असं ट्विट अभिनेते यांनी केलं आहे. तांत्रिक बिघाडामुळे अपघात पाकिस्तान एअरलाइन्सचे अध्यक्ष अर्शद मलिक यांनी सांगितले, 'लॅडिंग गियरमध्ये तांत्रिक बिघाड झाल्याची माहिती पायलट कॅप्टन सज्जाद गुलने कंट्रोल टॉवरला दिली होती. त्यावर विमान उतरविण्यासाठी जवळचे दोन विमानतळ सुचविण्यात आले होते. मात्र पायलटने अजून एक फेरी मारण्याचा प्रयत्न केला आणि विमान कोसळले.'
