नवी दिल्ली: यांना करोनाची लागण झाल्याचे वृत्त धडकल्यानंतर देशभरात सर्वांनाच धक्का बसला. चित्रपटसृष्टीपासून ते राजकारणापर्यंत सर्वांनीच महानायकाला लवकरच बरे वाटेल अशा भावना व्यक्त केल्या. डॉ. हर्षवर्धन यांनीही ट्विट करत हे लवकरच बरे होऊन घरी येतील असे म्हटले आहे. हिंदी चित्रपटसृष्टीचे अभिनेते महानायक यांना करोनाची लागण झाल्याचे स्पष्ट झाल्यानंतर त्यांना मुंबईतील नानावटी रुग्णालयात दाखल करण्यात आले. स्वत: बच्चन यांनी ट्विट करत आपली करोनाची चाचणी पॉझिटीव्ह आल्याची माहिती दिली. देशभरातील लोक त्यांना लवकर बरे वाटावे अशा भावना व्यक्त करत आहेत. केंद्रीय आरोग्यमंत्री डॉ. हर्षवर्धन यांनी आपल्या ट्विटमध्ये म्हटले आहे की, प्रिय अमिताभजी, संपूर्ण देशासोबतच मी देखील आपण लवकरच बरे व्हावे अशी भावना व्यक्त करत आहे. आपण लाखो लोकांचे आदर्श आहात. आम्ही सर्व तुमची उत्तम देखभाल करू. तुम्हाला लवकरच बरे वाटो या सदिच्छा! या बरोबरच महाराष्ट्राचे महसूलमंत्री यांनीही ट्विट करत अमिताभ बच्चन लवकरच बरे वाटेल अशा सदिच्छा व्यक्त केल्या आहेत. पश्चिम बंगालच्या मुख्यमंत्री यांनीही ट्विट केले आहे. आपल्याला करोना विषाणूची लागण झाल्याचे वृत्त ऐकून खूपच दु:ख झाले आहे. तुम्हाला लवकरच बरे वाटो अशी मी ईश्वराचरणी प्रार्थना करते, असे ममता बॅनर्जी यांनी ट्विट करत म्हटले आहे. वाचा: वाचा: अमिताभ बच्चन यांनी शनिवारी रात्री आपल्या ट्विटर हँडलवर लिहिले की, त्यांचा करोना चाचणीचा अहवाल पॉझिटीव्ह आला आहे आणि त्यांना रुग्णालयात दाखल करण्यात आले आहे. या बरोबरच त्यांच्या कुटुंबीयची आणि त्यांच्या घरात काम करणाऱ्या कर्मचाऱ्यांचीही करोना चाचणी करण्यात आली आहे. त्या सर्वांच्या अहवालाची आम्ही वाट पाहत आहोत. गेल्या १० दिवसांच्या काळात जे लोक माझ्या संपर्कात आले, त्यांनी आपली करोनाची चाचणी करून घ्यावी असा आग्रमी आपण त्यांना करत असल्याचे अमिताभ बच्चन यांनी आपल्या ट्विटमध्ये म्हटले आहे. वाचा:
