मुंबई : जागतिक पातळीवर करोना विषाणूचा प्रादुर्भाव वाढल्याचा परिणाम म्हणून जगभरच्या शेअर बाजारांमध्ये झालेल्या घसरणीचा परिणाम मंगळवारी भारतीय बाजारांवरही जाणवला. सकाळच्या सत्रात तेजीत असलेलया मुंबई शेअर बाजाराचा निर्देशांक () दिवसअखेर ४५ अंकांनी घसरून ३४,९१५ च्या पातळीवर बंद झाला. त्याचवेळी राष्ट्रीय शेअर बाजाराचा निर्देशांक (निफ्टी) १० अंकांनी घसरून १०,३०२ च्या पातळीवर स्थिरावला होता. शेअर बाजारात मंगळवारी उलथापालथ पाहायला मिळाली. सकाळच्या सत्रात तेजीत असलेल्या निर्देशांकात नंतर नफावसुली सुरु झाली. मात्र यात निफ्टी १०३०० च्या पातळीवर स्थिरावण्यात यशस्वी झाला. निफ्टीला खालच्या स्तरावर १०१०० अंकांवर आणि वाढला तर १०५०० अंकांची पातळी राहील, असेचॉईस ब्रोकिंगचे सुमित बगाडिया यांनी सांगितले. मोतीलाल ओसवाल फायनान्शियल सर्व्हिसेसचे चंदन तपारिया यांच्या मते निफ्टी १०३३३ चा स्तर निर्णायक राहील. मागील काही सत्रात तेजीत असलेल्या फार्मा कंपन्यांच्या शेअरला मंगळवारी नफाखोरीचा फटका बसला. ग्लेनमार्क फार्मा, सन फार्मा, अरबिंदो फार्मा आदी शेअरमध्ये घसरण झाली आहे. मात्र दुसऱ्या बाजुला आयआरसीटीसी, आयशर मोटर्स, टीव्हीएस मोटर्स, महिंद्रा अॅंड महिंद्रा आदी शेअर तेजीत आहे. पंतप्रधान गरीब कल्याण अन्न योजनेचा विस्तार दिवाळी आणि छटपूजेपर्यंत म्हणजेच नोव्हेंबरच्या अखेरपर्यंत लागू करण्याची घोषणा यांनी केली आहे. पुढील ५ महिन्यांसाठी ८० कोटीहून अधिक गरीब नागरिकांना ५ किलो गहू किंवा ५ किलो तांदूळ मोफत दिले जातील, या बरोबर प्रत्येक कुटुंबाला १ किलो चणे दिले जाणार. पावसाळ्यात आणि त्यानंतर मुख्यत: कृषी क्षेत्रात अधिक काम होत असते. जुलैपासून हळूहळू सणाचे दिवस येतात. दरम्यान, भारत-चीन सीमेवरील तणावाच्या पार्श्वभूमीवर दोन्ही देशात उद्भवलेल्या संघर्षामुळे द्विपक्षीय व्यापारावरही परिणाम होण्याची शक्यता वाढली आहे. या घटनांचा परिणाम शेअर बाजारावरही होण्याची शक्यता आहे. याशिवाय देशांतर्गत बाजारातून आणि विदेशी बाजारांतून येणाऱ्या संकेतांवरही बाजाराची आगामी दिशा ठरण्याची शक्यता आहे. जुलै महिन्याच्या प्रारंभी वाहन उद्योगातील कंपन्यांच्या विक्रीचे आकडे येण्यास सुरुवात होईल. येत्या बुधवारी (एक जुलै) जून महिन्याच्या मार्किट मॅन्युफॅक्चरिंग पीएमआयचे आकडेही जारी होतील. त्यानंतर मार्किट सर्व्हिसेस पीएमआयचे आकडे आठवड्याच्या शेवटी शुक्रवारी जारी होतील. या आकड्यांचाही बाजाराच्या गतीवर परिणाम होण्याची शक्यता आहे.
