हैदराबाद: शहरातील सर्वात व्यग्र असलेल्या एका स्मशानभूमीतील धक्कादायक चित्र समोर आले आहे. येथे एक भटका अर्धवट अवस्थेत जळालेला करोनाबाधिताचा खात असल्याचे स्पष्ट झाले आहे. हा धक्कादायक प्रकार हा कुत्रा मृतदेह खात असतानाचा व्हिडिओ व्हायरल झाल्यानंतर उघड झाला. हा प्रकार लक्षात आल्यानंतर शहरातील नागरिक संतापले असून त्यांनी स्थानिक पालिका प्रशासनाला या घटनेबाबत जाब विचारला आहे. व्हायरल झालेल्या या व्हिडिओत हा कुत्रा अंत्यसंस्कारासाठी रचण्यात येणाऱ्या चितेच्या आसपास फिरत असल्याचेही दिसत आहे. यावर हैदराबादच्या महानगर पालिकेने स्पष्टीकरण देत आपला बचाव करण्याचा प्रयत्न केला आहे. मुसळधार पाऊस असल्याने चिता जाळण्यासाठी अडचणी येत आहेत. शिवाय स्मशानभूमीची एक भिंत तुटल्याने त्याचा फायदा घेत हा कुत्रा आत आल्याचे महापालिकेने म्हटले आहे. घडलेल्या घटनेची आम्हाला ५ जुलैला माहिती मिळाल्यानंतर तातडीने आम्ही यावर उपाययोजना करण्यासाठी पावले उचलली असे महापालिकेने म्हटले आहे. वाचा: सरकारने घालून दिलेल्या नियमांप्रमाणेच ची शिकार झालेल्या व्यक्तीच्या मृतदेहावर अंत्यसंस्कार करण्यात आले. मात्र सतत पाऊस कोसळत असल्याने चिता पूर्ण जळू शकलीन नाही, अशी माहिती हैदराबाद महानगर पालिकेतील एका वरीष्ठ अधिकाऱ्याने दिली. स्मशानभूमीची एक भिंत कोसळली आहे. या मुळे कुत्र्यांना आत येणास सहज वाव मिळाला. मात्र ही घटना घडल्यानंतर चिता जाळण्याचा ठिकाणांवर शेड उभारण्यात आल्या आहेत. त्याच बरोबर तुटलेली भिंत देखील बांधण्यात आली आहे. त्याच प्रमाणे या स्मशानभूमीतील विद्युतदाहिनी देखील दुरुस्त करण्यात आली आहे, अशी माहिती अधिकाऱ्याने दिली. वाचा: या घटनेचा व्हिडिओ व्हायरल झाला असून तो मोठ्या प्रमाणावर शेअरही करण्यात आला आहे. या व्हिडिओत हा कुत्रा चिता असलेल्या ठिकाणी सतत फिरत असल्याचे दिसत आहे. या प्रकारावर लक्ष ठेवण्यासाठी हैदराबाद महानगर पालिकेने एक पथकही तयार केले असून हे पथक अशा प्रकारच्या घटनांवर लक्ष ठेवणार असल्याचेही अधिकारी म्हणाला. मात्र, या घटनेमुळे हैदराबाद महापालिकेचा ढिसाळ कारभार चव्हाट्यावर आल्याची शहरात चर्चा आहे. वाचा:
