टोकियो: मागील एका वर्षात हवाई दलाच्या अधिकाऱ्यांची चिंता अधिकच वाढलेली आहे. जपानच्या हवाई हद्दीत मागील इतर देशांची लढाऊ विमाने सातत्याने घुसखोरी करत आहेत. त्यातही चीनकडूनही आगळीक सातत्याने होत आहे. जपानच्या हवाई हद्दीत दिवसाला दोन या सरासरीने या घटना घडत आहेत. मागील दहा वर्षात जपानच्या हवाई हद्दीतील घुसखोरीचे प्रमाण वाढले असल्याचे जपानचे फायटर पायलट लेफ्टीनेंट कर्नल तकमिची शिरोटा यांनी सांगितले. जपानच्या दक्षिण पश्चिम हवाई हद्दीत या घटना सर्वाधिक घडल्या असल्याचे त्यांनी सांगितले. इतर देशांच्या लढाऊ विमानांची घुसखोरी वाढल्यामुळे हवाई दलाला अधिकच सतर्क राहावे लागत असल्याचे त्यांनी म्हटले. वाचा: सीएनएनच्या वृत्तानुसार, एक एप्रिल २०१९ ते ३१ मार्च २०२० दरम्यानच्या काळात ९४७ वेळा इतर देशांच्या लढाऊ विमानांनी जपानच्या हद्दीत घुसखोरी केली. यामध्ये सर्वाधिक घुसखोरी चीनच्या लढाऊ विमानांनी केली. जपानच्या या भागात चीनच नव्हे तर रशियन विमानेही घुसखोरी करतात. या भागात सर्वाधिक वेळा इतर देशांच्या विमानांना इंटरसेप्ट केले जाते आणि त्यांना हुसकावून लावण्यात येते. चीनच्या संरक्षण मंत्र्यांनी दिलेल्या माहितीनुसार, चीनच्या लढाऊ विमानांनी मागील १८ महिन्यांत ६७५ वेळा आंतरराष्ट्रीय नियमांचे उल्लंघन केले आहे. त्यातच जपान आणि चीनमध्ये भूभागांवरून सुरू असलेल्या वादामुळे जपानला अधिकच सतर्क रहावे लागत आहे. वाचा: वाचा: बेटाच्या दाव्यावरून चीन-जपानमध्ये वाद चीनने पूर्व चीन समुद्रातील बेटावर आपला दावा सांगितला आहे. सध्या हे बेट जपानच्या ताब्यात असून सेनकाकू आणि चीनमध्ये डियाओस या नावाने ओळखले जाते. या बेटांचा ताबा १९७२ पासून जपानकडे आहे. हे बेट आपल्या हद्दीत येत असल्याचा दावा चीन करत असून जपानने या बेटावरील दावा सोडण्याची मागणी केली आहे. या बेटासाठी जपानवर सैनिकी कारवाई करण्याची धमकी चीनने दिली आहे. वाचा: सेनकाकू या बेटाचे संरक्षण जपानचे नौदल करते. त्यामुळे या बेटावर चीनने लष्करी कारवाईने ताबा मिळवण्याचा प्रयत्न केल्यास त्यांना जपानसोबत युद्ध करावे लागणार आहे. चीनची पाणबुडी या भागात आल्यामुळे दोन्ही देशात तणावाची स्थिती निर्माण झाली होती.
