लखनऊ : उत्तर प्रदेशात अयोध्येत राम मंदिरासोबतच मशिदीचं निर्माण होणार आहे. यासाठी सुन्नी वक्फ बोर्डानं 'इंडो - इस्लामिक कल्चर फाउंडेशन ट्रस्ट' (Indo Islamic Cultural Foundation Trust) गठीत केलंय. ट्रस्टच्या म्हणण्यानुसार, ५ एकर जमिनीवर प्रस्तावित मशिदीच्या परिसरात उभं राहणाऱ्या रुग्णालय, शाळा, कम्युनिटी किचन, लायब्ररी आणि इतर जन सुविधांच्या शिलान्यासासठी मुख्यमंत्री यांनाही आमंत्रित केलं जाणार आहे. वाचा : वाचा : उत्तर प्रदेशात सुन्नी सेंट्रल वक्फ बोर्ड () द्वारे अयोध्येत निर्माणाची सुरुवात लवकरच होणार आहे. मशीद तसंच अन्य निर्माणासाठी गठीत ट्रस्ट सर्वोच्च न्यायालयाच्या आदेशनानंतर वक्फ बोर्डाला मिळालेल्या जमिनीवर बनणाऱ्या 'जन सुविधांच्या' शिलान्यासाठी मुख्यमंत्री योगी आदित्यनाथ यांना आमंत्रित करण्यात येणार आहे. मुख्यमंत्र्यांना आमंत्रित केलं जाईल तेव्हा मशिदीच्या शिलान्यासासारखं कोणत्याही कार्यक्रमाचं आयोजन केलं जाणार नाही. या जमिनीवर जनतेसाठी सुविधा निर्माण करण्यात येणार आहेत आणि जनतेला सवलती देण्याचं काम मुख्यमंत्र्यांचं असतं. यामुळे शिलान्यासासाठी मुख्यमंत्री योगी आदित्यनाथ यांना आमंत्रित केलं जाणार आहे, असंही सांगण्यात आलंय. उल्लेखनीय म्हणजे, मुख्यमंत्री योगी आदित्यनाथ यांनी पत्रकारांशी बोलताना 'तुम्हाला वाटतं की मला आमंत्रित करण्यात येईल? जरी मला बोलावण्यात आलं तरीदेखील मी जाणार नाही' असं म्हटलं होतं. वाचा : वाचा : इंडो इस्लामिक कल्चर फाउंडेशनचे सचिव अतहर हुसैन यांनी धानीपूर गावात उभ्या राहणाऱ्या मशिदीच्या साईटवर मुख्यमंत्र्यांना आमंत्रित करण्याच्या वृत्ताला दुजोरा दिलाय. 'इस्लामचे चारही शाळा हनफी, हंबली, शाफई आणि मालिकीमध्ये मशिदीच्या शिलान्यासाची कोणतीही तरतूद नाही' असंही त्यांनी स्पष्ट केलंय. अयोध्येचे जिल्हा दंडाधिकारी अनुज कुमार झा यांनी आम्हाला मशिदीची भूमी अनौपचारिक पद्धतीनं दिली आहे. अजूनही काही औपचारिक गोष्टी बाकी आहेत, त्यादेखील लवकरच पूर्ण करण्यात येतील. आम्हाला राजस्व विभागाकडून सर्टिफाईड कॉपी मिळालीय, असं ट्रस्टचे सदस्य इमरान अहमद यांनी म्हटलंय. वाचा : वाचा :
