नवी दिल्ली : करोना संक्रमणाचे आकडे देशात दररोज नवनवीन आकडे करताना दिसत आहे. आज करोना संक्रमणाच्या आकड्यानं ५६ लाखांचा टप्पा ओलांडलेला दिसतोय. आज, २३ सप्टेंबर बुधवारी सकाळी आरोग्य मंत्रालयानं अपडेट आकडेवारी जाहीर केलीय. यानुसार, गेल्या २४ तासांत ८३ हजार ५२७ करोना संक्रमित समोर आले आहेत. तर याच काळात जवळपास ८९ हजार ७४६ रुग्ण करोनामुक्त झाल्याचं सांगण्यात आलंय. उल्लेखनीय म्हणजे आज सलग पाचव्या दिवशी करोना संक्रमणातून मुक्त होणाऱ्या रुग्णांची संख्या नव्या करोना संक्रमितांच्या संख्येपेक्षा अधिक आहे. देशात आत्तापर्यंत एकूण ५६ लाख ४६ हजार ०१० जणांना करोना संक्रमणानं गाठलंय. यातील जवळपास ४५ लाख ८७ हजार ६१३ जणांनी करोनावर यशस्वीरित्या मात केलीय. तर या व्हायरसमुळे एव्हाना ९० हजार ०२० जणांना आपले प्राण गमवावे लागलेत. वाचा : वाचा : वाचा : देशाचा ८१.२५ टक्क्यांवर आहे. एकूण उपचार सुरू असणाऱ्या रुग्णांची संख्या १७.१५ टक्के म्हणजेच ९ लाख ६८ हजार ३७७ वर आहे. तर भारतात मृत्यू दर १.५९ टक्के आहे. भारतात होणाऱ्या एकूण चाचण्यांपैंकी पॉझिटिव्ह आढळणाऱ्या रुग्णांचा दर () ८.७५ टक्के आहे. देशात गेल्या २४ तासांत ९ लाख ५३ हजार ६८३ सॅम्पल्सच्या करोना चाचण्या पार पडल्या. सप्टेंबर महिन्याच्या आकडेवारीवर नजर टाकली असता, या महिन्यात आत्तापर्यंत २५ हजार ५५१ जणांचा मृत्यू झालाय तर १८ लाख १२ हजार ८१२ जणांनी करोनावर मात केलीय. २ सप्टेंबरपासून आत्तापर्यंत दररोज जवळपास १००० हून अधिक रुग्णांचा मृत्यू झाल्याचं आकडेवारीवरून दिसतंय. मंगळवारीदेखील ७४ हजार ९०३ करोनाबाधित रुग्ण आढळले होते तर १ हजार ०५३ मृत्यूंची नोंद करण्यात आली होती. बुधवारी पुन्हा एकदा संक्रमितांची संख्या ८० हजारांच्या पुढे गेलीय. वाचा : वाचा : वाचा :
