नवी दिल्ली: देशातील रिटेल किंग अशी ओळख असलेल्या फ्यूचर ग्रुपचे यांनी काही दिवसांपूर्वी मुकेश अंबानींच्या रिलायन्सला आपला रिटेल व्यवसाय विकला. कर्जाच्या संकटात अडकलेल्या बियानी यांनी २४ हजार कोटींना रिटेल व्यवसाय रिलायन्सच्या ताब्यात दिला. वाचा- रिलायन्स आणि फ्यूचर ग्रुपमध्ये झालेल्या या कराराची अनेक दिवस चर्चा सुरू होती. हा व्यवहार झाल्यानंतर त्याबद्दल चर्चा सुरूच आहे. पण बियाणी आणि अंबानी यांच्यात झालेल्या या व्यवहारातील एक धक्कादायक माहिती समोर येत आहे. दोघांच्यात झालेल्या करातानुसार किशोर बियाणी आता पुढील १५ वर्ष रिटेल व्यवसाय करू शकणार नाहीत. वाचा- दोन्ही कंपन्यांमध्ये झालेल्या नॉन कॉम्पिटेंन्स क्लॉजनुसार किशोर बियानी आणि त्यांच्या कुटुंबातील अन्य कोणतेही सदस्य पुढील १५ वर्ष रिटेल व्यवसाय करू शकणार नाहीत. सर्वसाधारणपणे नॉन कॉम्पिटेंन्स क्लॉज ३ ते ५ वर्षासाठी लागू असतो. पण या व्यवहारात तो १५ वर्ष इतका मोठा आहे. वाचा- या व्यवहाराशी संबंधिक लोकांनी दिलेल्या माहितीनुसार, ज्या क्षेत्रात रिलायन्स व्यवसाय करत आहे त्या क्षेत्रात अथवा किशोर बियाणी नवा रिटेल व्यवसाय सुरू करू शकणार नाहीत. जो रिलायन्सला आव्हान देईल. बियाणी होम रिटेलिंग व्यवसाय सुरू करू शकतील. कारण रिलायन्स त्या व्यवसायात नाहीत. वाचा- किशोर बियाणी यांची एक कंपनी आहे ज्याचे नाव Praxis Retail असून ती होम रिटेलचा व्यवसाय करते. Home Town स्टोअर याच कंपनीचे उत्पादन आहे. बियाणी आणि कुटुंब या व्यवसाय करू शकते. आर्थिक वर्ष २०१९-२० मध्ये होम टाऊनचा महसूल ७०२ कोटी रुपये इतका होता. रिलायन्स सोबतच्या व्यवहारात फ्यूचर ग्रुपने रिटेलमधील या कंपनीला मात्र विकले नाही. त्याचे स्वतंत्र अस्तित्व कायम ठेवले आहे.
