मुंबई- सुशांतसिंह राजपूतच्या निधनानंतर बॉलिवूड सेलिब्रिटी सातत्याने या विषयावर बोलत आहेत. अभिनेत्री सोशल मीडियावर सुरुवातीपासूनच या विषयावर आपल्या प्रतिक्रिया देत आल्या आहेत. पण आता सुशांतचा विषय वगळता वेगळाच वाद सुरू झाल्याचं त्यांना वाटत आहे. सुशांतच्या प्रकरणाशी त्याचा काहीही संबंध नाही असंही त्यांना वाटतं. रेणुका यांनी या प्रकरणावर कंगनावर रनौत यांच्यावरही टीका केली आहे. कंगनाने मुद्दा भरकटवला एका मुलाखतीत बोलताना रेणुका म्हणाल्या की सुशांतचं प्रकरण तेव्हाच मागे पडलं जेव्हा कंगना रणौतने मुंबई पोलीस आणि महाराष्ट्र सरकारला लक्ष्य केलं आणि मुंबईची तुलना पीओकेशी केली. या सर्व मुद्द्यांचा सुशांतच्या मृत्यूच्या प्रकरणाशी काहीही संबंधीत नाहीत. रेणुका असेही म्हणाल्या की सुशांतच्या विषयावर कंगनाची पहिली प्रतिक्रिया अशी होती की या सर्व गोष्टी घराणेशाहीमुळे झाल्या आहेत. कंगनाने सभ्यतेला मागे टाकले उर्मिला मातोंडकरवरील कंगनाच्या विधानावरही रेणुका शहाणे यांनी कडक टीका केली. कंगनाने उर्मिलाला 'सॉफ्ट पॉर्न अभिनेत्री' म्हटलं होतं. यावर रेणुका म्हणाल्या की, कंगनाने सभ्यतेच्या सर्व मर्यादा ओलांडल्या आहेत. या सर्व निरर्थक गोष्टी अभिव्यक्ती स्वातंत्र्याच्या नावाखाली बोलल्या जात आहेत. आता कंगनाकडून कोणत्याही संवेदनशीलतेची अपेक्षा नाही. सुशांतच्या मृत्यू प्रकरणात सीबीआयशिवाय एनसीबी आणि ईडीही चौकशी करत आहेत. आता या प्रकरणाची ड्रग्ज अँगलमधून तपासणी केली जात आहे. यात बॉलिवूडमधील अनेक बड्या सेलिब्रिटींची नावं समोर येत आहेत. एनसीबीने रिया चक्रवर्तीसह सहा जणांना यापूर्वीच अटक केली असून, अनेक दिग्गज कलाकारांवर लवकरच चौकशी केली जाईल असंही म्हटलं जात आहे.
