अबूधाबी: आयपीएलच्या १३ व्या हंगामाची सुरुवात दोन ताकदीच्या संघांत झाली. विरुद्ध यांच्यातील या लढतीत चेन्नईने बाजी मारली. नाणेफेक जिंकून चेन्नईचा कर्णधार महेंद्र सिंह धोनीने गोलंदाजी करण्याचा निर्णय घेतला. या मैदानावर सर्व साधारणपणे प्रथम फलंदाजी घेणारा संघ यशस्वी ठरतो. पण धोनीने खेळपट्टीमुळे गोलंदाजी घेतली. मुंबईने या मैदानावर आतापर्यंतचा सर्वोच्च धावसंख्या उभी केली. पण चेन्नईने अंबाती रायडू आणि फाफ डूप्लेसिसच्या धमाकेदार खेळीवर विजय मिळवला. जाणून घेऊयात या सामन्यातील महत्त्वाचे क्षण आणि सामना कुठे फिरला... १) कॅप्टन कूल- कर्णधार धोनीने या सामन्यासाठी बरीच तयारी केल्याचे दिसून आले. रोहित शर्माची विकेट घेण्याआधी धोनीने फिल्डिंगमध्ये बदल केले होते. मुंबईसाठी पहिलीच विकेट महत्त्वाची ठरली. वाचा- २) डूप्लेसिसचे कॅच- ३६ वर्षीय फाफ डूप्लेसिसने सीमारेषेवर दोन शानदार कॅच घेतले. १५व्या षटकात त्याने सौरव तिवारीचा कॅच पकडला. हा कॅच सुपरमॅन स्टाइलने पकडला. आयपीएलच्या पहिल्याच सामन्यात चाहत्यांना हा शानदार कॅच पाहता आला. तिवारीने मारलेला चेंडू हा षटकारच होता. पण डूप्लेसिसने हवेत उडी मारून कॅच घेतला. तिवारीने ३१ चेंडूत ४२ धावा केल्या. त्यानंतर त्याने हार्दिकचा कॅच घेतला. हार्दिक मोठ्या शॉटसाठी ओळखला जातो. पण डूप्लेसिसच्या कॅचमुळे त्याला १४ धावा करता आल्या. वाचा- ३) चेन्नईचा लुंगी डान्स- लुंगी एनगिडाने चेन्नईकडून ३ विकेट घेतल्या. ज्यामुळे मुंबईला आणखी धावसंख्या उभी करता आली नाही. त्याला दीपक चहर आणि रविंद्र जडेजा याची चांगली साथ मिळाली. ३) अनुभव कामी आला- मुंबईवरीलस विजया चेन्नई संघाचा अनुभव कामी आला. सुरुवातीला दोन विकेट लवकर पडल्यानंतर अंबाती रायडू आणि डूप्लेसिस यांनी विकेट न गमवता संयमी खेळी केली. धावसंख्या जरी मुंबईच्या तुलनेत कमी असली तरी चेन्नईने अखेरच्या १० षटकात धावांची गती वाढवली. ४) रायडू बाद झाल्यानंतर धोनीने स्वत: येण्याऐवजी रविंद्र जडेजाला पाठवले त्याने ५ चेंडूत १० धावा केल्या. त्यानंतर जडेजा बाद झाल्यावर देखील धोनी आला नाही. त्याने सॅम करनला पाठवले. सॅमने ६ चेंडूत १८ धावा करत सामना चेन्नईच्या बाजूने फिरवला. धोनी हा माइंडगेम यशस्वी ठरला. फिरकी गोलंदाजांविरुद्ध चांगल्या धावा काढल्या. वाचा- ५) डूप्लेसिसने अखेरपर्यंत लढत दिली. सुरुवातीपासून आक्रमक खेळण्या ऐवजी डूप्लेसिसने वाट पाहिली. त्याच्या संयमी खेळीचा चेन्नईला फायदा झाला. ६) चेन्नईच्या फलंदाजीवेळी मुंबई संघाने फिल्डिंगमध्ये चूका केल्या. त्याच बरोबर कॅच सोडले. याचा फटका त्यांना बसला. वाचा- ७) या सामन्यात चेन्नईने पाच मॅचनंतर म्हणजे जवळपास दोन वर्षांनी विजय मिळवला. ८) मुंबई संघाने सलग आठव्या हंगामात पहिला सामना गमवला.
