अहमदाबाद: गुजरातमधील (Ahmedabad) येथील एका गोदामात पहाटे झालेल्या भीषण स्फोटात १२ मजुरांचा मृत्यू झाला आहे, तर ९ मजूर जखमी झाले आहेत. या स्फोटात गोदामाचा अर्धा भाग कोसळला आहे. अहमदाबाद शहराबाहेर असलेल्या औद्योगिक क्षेत्रातील पिराना-पिपलाज रोडवर असलेल्या इमारतीत हा स्फोट झाला. या गोदामात रसायनांचे ड्रम ठेवण्यात आले होते. ( at chemical godown claims 12 lives 9 injured) बुधवार सकाळपासून ते रात्री उशिरापर्यंत असे सुमारे ९ तास शोध आणि बचाव कार्य चालवले गेले. शहरातील अग्रिशमनदलाने ढिगाऱ्याखालून १२ मृतदेह काढले. तर इतर ९ लोकांचे प्राण वाचवले. हे अभियान रात्री सुमारे साडेआठ वाजता संपले. जखमी मजुरांना अहमदाबादमधील पालिकेच्या एलजी रुग्णालयात दाखल करण्यात आले. गोदामात सकाळी ११ वाजता झालेल्या स्फोटामुळे इमारतीचा भाग कोसळला आणि ही आग बाजूच्या गोदामांमध्येही पसरली. या ठिकाणी मजूर तयार कपडे पॅकिंग करण्याचे काम करत होते. आमचे अभियान आता संपले असून आम्ही ढिगाऱ्याखालून १२ मृतदेह बाहेर काढल्याची माहिती अग्निशमनदलाच्या अधिकाऱ्याने दिली. आम्ही ९ लोकांना वाचवले असून आगीवर अर्ध्यातासाच्या आतच नियंत्रण मिळवळे. हे अभियान प्रामुख्याने ढिगाऱ्याखाली अडकलेल्या लोकांना बाहेर काढण्यासाठीच असल्याचे अग्निशमन अधिकाऱ्याने सांगितले. संध्याकाळी एनडीआरएफच्या पथकाने देखील काम सुरू केले होते. मजुरांचा मृत्यू स्फोटामुळे झाला आणि इतर नुकसानही स्फोटामुळेच झाल्याचे अधिकाऱ्यांनी सांगितले. येथे लागलेली आग तशी किरकोळच होती, इमारतीचा भाग हा स्फोटामुळेच कोसळल्याचे त्यांनी सांगितले. पंतप्रधान मोदी यांनी प्रकट केला शोक पंतप्रधान नरेंद्र मोदी यांनी या दुर्घटनेबाबत शोक व्यक्त केला आहे. मोदी ट्विटमध्ये म्हणतात, 'अहमदाबादमधील गोदामात आग लागून मनुष्यहानी आणि मालमत्तेचे झालेले नुकसान पाहून मी व्यथित झालो आहे. मृतांना श्रद्धांजली आणि जखमीं लवकरच बरे होवोत. अधिकारी सर्व पीडित लोकांना मदत पोहोचवत आहेत.' क्लिक करा आणि वाचा- राष्ट्रपतींचे ट्विट, मुख्यमंत्र्यांची मदतीची घोषणा अहमदाबादमधील गोदामात आग लागून लोकांचे प्राण गेले हे ऐकून आपण दु:खी असल्याचे राष्ट्रपती रामनाथ कोविंद यांनी म्हटले आहे. या बरोबरच गुजरातचे मुख्यमंत्री विजय रुपाणी यांनी मृतांच्या कुटुंबीयांना प्रत्येकी ४ लाख रुपयांची मदत देण्याची घोषणा केली आहे. क्लिक करा आणि वाचा- क्लिक करा आणि वाचा-
