वॉशिंग्टन: अमेरिकेत निवडणुकीची रणधुमाळी असताना मतदाना दरम्यान अमेरिकेचे राष्ट्राध्यक्ष डोनाल्ड यांचा मुलगा ट्रम्प ज्युनिअर यांनी भारताचा वादग्रस्त नकाशा प्रकाशित केला आहे. डोनाल्ड ट्रम्प यांनी भारताचा जम्मू-काश्मीरचा भाग हा पाकिस्तानमध्ये दाखवला आहे. त्यावरून नेटकऱ्यांनी संताप व्यक्त केला आहे. अमेरिकेत राष्ट्राध्यक्षपदाच्या निवडणुकीसाठी मतदान सुरू असताना ट्रम्प ज्युनिअर यांनी जगभरातून ट्रम्प यांना पाठिंबा असल्याचे सांगत एक जगाचा नकाशा प्रकाशित केला. यामध्ये ट्रम्प यांना पाठिंबा देणाऱ्या देशांना लाल रंगात दाखवले तर बायडन यांना पाठिंबा देणाऱ्या देशांना निळ्या रंगात दर्शवले. मात्र, यामध्ये भारताचा अविभाज्य भाग असलेल्या जम्मू-काश्मीर राज्य हे पाकिस्तानमध्ये दाखवले. इतकंच नव्हे तर भारताला बायडन यांचा प्रभाव असलेला देश असल्याचे दाखवले. वाचा: वाचा: यांनी जगातील काही मोजक्याच देशांना वगळून जगभरात ट्रम्प यांना पाठिंबा असल्याचे ट्विटद्वारे म्हटले. त्यासाठी एक नकाशाही ट्विट केला. बायडन यांना पाठिंबा देणाऱ्या देशांमध्ये भारतासह चीन, मेक्सिको, लाबेरिया, क्युबा आदी देश असल्याचे म्हटले. इतकंच नव्हे तर पाकिस्तान, इराण आणि रशियादेखील ट्रम्प यांच्या बाजूने असल्याचे त्यांनी म्हटले. ट्रम्प यांनी अमेरिकेची सत्तासूत्रे हाती घेतल्यानंतर इराण आणि अमेरिकेच्या संबंधात तणाव निर्माण झाला आहे. दोन्ही देशांमध्ये युद्धजन्य परिस्थितीही निर्माण झाली होती. दरम्यान, अमेरिका राष्ट्राध्यक्षपदाच्या निवडणुकीच्या अध्यक्षीय वादविवादात राष्ट्राध्यक्ष डोनाल्ड ट्रम्प यांनी भारतावर टीका होती. भारत हा विषारी हवा सोडणारा घाणेरडा देश असल्याचे ट्रम्प यांनी म्हटले. अध्यक्षीय वादविवादात पर्यावरण बदल आणि कार्बन उत्सर्जनाच्या मुद्यावर आपल्या धोरणांचा बचाव करण्यासाठी ट्रम्प यांनी भारत, चीन आणि रशियावर निशाणा साधला होता. ट्रम्प यांच्या वक्तव्यावरून भारताही नाराजी व्यक्त करण्यात आली होती.
