मुंबई : देशांतर्गत पेट्रोल आणि डिझेलच्या किमतीत आज बुधवारी कोणताही बदल झाला नाही. सलग २३ व्य दिवशी पेट्रोल आणि डिझेल दर स्थिर आहेत. आज मुंबईत पेट्रोलचा भाव एक लिटरसाठी ९०.३४ रुपये आहे. तर एक लीटर ८०.५१ रुपये आहे. दिल्लीत आजचा पेट्रोलचा भाव ८३.७१ रुपये झाला आहे. डिझेलचा भाव ७३.८७ रुपये आहे. त्याशिवाय चेन्नईत देखील आज पेट्रोलचा भाव ८६.५१ रुपये असून डिझेल ७७.४४ रुपये आहे. कोलकात्यात एक लिटर पेट्रोलचा भाव ८५.१९ रुपये असून डिझेल ७७.४४ रुपये आहे. जागतिक कमॉडिटी बाजारात क्रूडचा भावात वाढ झाली. अर्थव्यवस्थेला सावरण्यासाठी जारी करण्यात आलेले आर्थिक पॅकेज आणि जागतिक अर्थव्यवस्था सावरत असल्याने इंधन मागणी वाढण्याची शक्यता आहे. त्यामुळे आज सिंगापूरमध्ये कच्च्या तेलाच्या भावात वाढ झाली. क्रूडचा भाव २७ सेंट्सने वाढला आणि ४८.२७ डॉलर प्रती बॅरल झाला. ब्रेंट क्रूडचा भाव प्रती बॅरल २४ सेंट्सने वधारला आणि तो ५१.३३ डॉलर प्रती बॅरल झाला. अमेरिकन पेट्रोलियम इन्स्टिट्यूटने तेल साठ्याची ताजी आकडेवारी जाहीर केली. ज्यात २५ डिसेंबरच्या आठवड्यात तेल साठा ४.७८५ दशलक्ष बॅरल इतका वाढला आहे. त्या आधी १८ डिसेंबरच्या आठवड्यात तेलाचा २.७० दशलक्ष बॅरल साठा आहे. त्याआधीच्या आठवड्यात तो १.९७ दशलक्ष बॅरल इतका साठा होता. दरम्यान सलग २३ व्या दिवशी इंधन दर स्थिर ठेवल्याने ग्राहकांना दिलासा मिळाला आहे. याआधी याआधी सप्टेंबर आणि ऑक्टोबर या दोन महिन्यात तब्बल ४८ दिवस इंधन दर स्थिर ठेवले होते. त्यानंतर २०नोव्हेंबरपासून १५ वेळा इंधन दरवाढ झाली. ज्यात पेट्रोल २.५५ रुपयांनी महागले. तर याच कालावधी १२ वेळा डिझेल दरवाढ झाली. ज्यात डिझेलचा भाव ३.४१ रुपयांनी वधारला.
