पॅरिस: फ्रान्सची राजधानी पॅरिसमध्ये जानेवारी २०१५ मध्ये या मासिकाच्या कार्यालयावर गोळीबार करण्यात आला होता. या दहशतवादी हल्ल्याप्रकरणी १४ जण दोषी आढळले आहेत. पॅरिसमधील कोर्टाने हा निकाल सुनावला असून जवळपास तीन महिने सुनावणी सुरू होती. या दोषींनी हल्लेखोर दहशतवाद्यांना मदत केली असल्याचे समोर आले. पॅरिसमध्ये सात जानेवारी २०१५ मध्ये दहशतवाद्यांनी केलेल्या अंदाधुंद गोळीबारात चार्ली हेब्दोचे १७ जण ठार झाली होती. वृत्तसंस्थांनी दिलेल्या वृत्तानुसार, शिक्षा सुनावताना कोर्टात ११ दोषी उपस्थित होते. तर, तीनजणांच्या अनुपस्थितत खटला चालवण्यात आला. दोषींमध्ये एक आयएस दहशतवाद्याची पत्नीदेखील आहे. या हल्ल्याच्या आधी तिने सीरियात पळ काढला होता. तर, तिचा पती दहशतवादी हयात बाओमुद्दीन याने पॅरिसमधील एका सुपरमार्केटमध्ये हल्ला करून चारजणांची हत्या केली होती. 'या' गुन्ह्यांसाठी शिक्षा दहशतवाद्यांना आर्थिक मदत करणे आणि दहशतवाद्यांच्या नेटवर्क सामिल असल्या प्रकरणी कोर्टाने दोषी ठरवले. त्याशिवाय इतरही गुन्ह्यांसाठी शिक्षा ठोठावली आहे. त्यानंतर या दोषींना ३० वर्षांची शिक्षा सुनावण्यात आली. वाचा: काय होते प्रकरण? इस्लामचे संस्थापक प्रेषित मोहम्मद पैंगबर यांचे व्यंगचित्र प्रकाशित केल्यानंतर सात जानेवारी २०१५ रोजी चार्ली हेब्दोच्या पॅरिसच्या येथील कार्यालयावर दोन दहशतवाद्यांनी अंदाधुंद गोळीबार केला. या हल्ल्यात फ्रान्समधील काही दिग्गज व्यंगचित्रकारही ठार झाले. चार्ली हेब्दोच्या मुखपृष्ठावर अनेक व्यंगचित्र प्रकाशित करण्यात आले आहेत. यामध्ये प्रेषित मोहम्मद पैगंबर यांच्या व्यंगचित्राचाही समावेश आहे. हे व्यंगचित्र जीन काबूट यांनी काढले होते. २०१५ मध्ये झालेल्या हल्ल्यात त्यांचा मृत्यू झाला होता. वाचा: पुन्हा छापले व्यंगचित्र काही महिन्यांपूर्वी या दहशतवादी हल्ल्याप्रकरणी सुनवाणी सुरू झाल्यानंतर चार्ली हेब्दोने पुन्हा एकदा हे व्यंगचित्र छापले होते. आम्ही कधीही अशा हल्ल्यांसमोर झुकणार नाही. आम्ही कधीही पराजय स्वीकारणार नाही. चार्ली हेब्दो हे प्रेषित मोहम्मद पैगंबराचे व्यंगचित्र आगामी आवृत्तीत प्रकाशित करणार असल्याचे चार्ली हेब्दोचे संचालक लॉरेंट रिस सॉरिस्यू यांनी सप्टेंबर महिन्यातील संपादकियात म्हटले होते.
