नवी दिल्ली : दिल्ली सीमेवर ठाण मांडून बसलेल्या शेतकऱ्यांच्या आंदोलनाचा आज (शुक्रवारी) १६ वा दिवस आहे. केंद्रानं लागू केलेले परत घेण्याच्या मागणीवर शेतकरी संघटना ठाम आहेत. पंजाब-हरयाणासहीत अनेक राज्यांतून आलेले हजारो शेतकरी या आंदोलनाला आपला पाठिंबा देण्यासाठी एकत्र जमलेत. दरम्यान, शेतकरी आंदोलनासाठी दिल्ली पोलिसांकडून मोठ्या संख्येत सुरक्षाव्यवस्था तैनात करण्यात आलीय. मिळालेल्या माहितीनुसार, दिल्ली - हरयाणाला जोडणाऱ्या सिंघु सीमेवर तैनात असलेले दोन आयपीएस अधिकारी करोना संक्रमित आढळले आहेत. हे दोन्ही अधिकारी सध्या रुग्णालयात उपचार घेत आहेत. दिल्लीच्या बुराडी भागातील निरंकारी समागम मैदानात शांतीपूर्ण पद्धतीनं शेतकऱ्यांचं आंदोलन सुरू आहे. तसंच सिंघु, टिकरी, चिल्ला आणि गाझीपूर सीमेवरही अडवण्यात आलेले शेतकरी सीमेवरच शड्डू ठोकून आहेत. वाचा : वाचा : आंदोलक शेतकऱ्यांनी कडाक्याच्या थंडीत अनेक रात्री रस्त्यावर काढल्या आहेत. अशावेळी अनेक शेतकऱ्यांचं अंग गरम असून ते तापानं फणफणत असल्याचं समोर आलं होतं. त्यानंतर सोनीपतचे जिल्हा दंडाधिकारी शामलाल पुनिया यांनी शेतकऱ्यांची करोना चाचणी करण्याचे आदेश दिले होते. आंदोलनाला बसलेल्यांपैंकी अंगात ताप असलेल्या शेतकऱ्यांची यादी तयार करण्याचे आदेश त्यांनी आरोग्य विभागाच्या अधिकाऱ्यांना दिले होते. तसंच आंदोलकांची मोफत करोना चाचणी करण्यात येईल, असंही त्यांनी म्हटलं होतं. करोना संक्रमित आढळलेल्या आंदोलकांना उच्च स्तरावर उपचाराच्या सगळ्या सुविधा पुरवल्या जातील, असेही निर्देश देण्यात आले होते. वाचा : वाचा :
