न्यूयॉर्क : आर्थिक महासत्ता असलेल्या अमेरिकेने नावाप्रमाणे करोना निर्मूलन आणि अर्थव्यवस्था सावरण्यासाठी ९०० अब्ज डॉलर्सचे (६६३ लाख कोटी) महाकाय जाहीर केले आहे. उद्योग धंदे, बेरोजगार आणि गरजू नागरिकांना या पॅकेजमधून आर्थिक मदत केली जाणार आहे. ज्यात बेरोजगारांना दर आठवड्याला ३०० डॉलर्सचा भत्ता दिला जाणार आहे. या पॅकेजमुळे दर महिन्याला बेरोजगारांना जवळपास १२०० डॉलर्स (८८००० रुपये) मिळणार आहे. यामुळे ग्राहकांची क्रयशक्ती वाढून बाजारपेठेला चालना देण्याचा सरकारचा प्रयत्न आहे. गेल्या दोन महिन्यांपासून अमेरिकेन अर्थव्यवस्था विकासदर खुंटला आहे. व्यापार ठप्प असून बेरोजगारी झपाट्याने वाढत आहे. करोनाचे सर्वाधिक रुग्ण अमेरिकेत असून लाखो नागरिक मृत्युमुखी पडले आहे. या संकटकाळात अमेरिकेत राष्ट्रपती निवडणूक देखील पार पडली. यात ज्यो बायडन यांचा विजय झाला. पुढील महिन्यात २० जानेवारी रोजी बायडन राष्ट्राध्यक्ष पदाची शपथ घेणार आहेत. दरम्यान ९०० अब्ज डॉलरच्या पॅकेजमध्ये बेरोजगार, गरजू नागरिक, छोटे उद्योजक शाळा तसेच आरोग्य सेवा पुरवठादार कंपन्या यांना मदत केली जाणार आहे. बेरोजगारांना दर आठवड्याला ३०० डॉलर आणि गरजूंना ६०० डॉलर दिले जातील. आर्थिक पॅकेजवर शनिवार आणि रविवार चर्चा झाली. अखेर त्यावर शिक्कामोर्तब करण्यात आले. या पॅकेजवर सिनेटचे वरिष्ठ नेता एम. मॅकॉवेल यांनी हे पॅकेज अमेरिकेन नागरिकांना सावरण्यास फायदेशीर ठरेल, असे मत व्यक्त केले. मागील अनेक महिने अमेरिकेतील छोटे व्यावसायिक, बेरोजगार, गरजू नागरिक सरकारच्या मदतीकडे आस लावून होते. त्यांना या पॅकेजने मोठा दिलासा मिळणार आहे. नवनिर्वाचित राष्ट्राध्यक्ष बायडन यांनी महिनाभरात अर्थव्यवस्था पूर्वपदावर आणण्याचे उद्दिष्ट ठेवले आहे.
