मुंबई : पेट्रोल आणि डिझेल दरात आज बुधवारी कोणताही बदल झाला नाही. आज मुंबईत पेट्रोल प्रती लीटर ९०.३४ आणि डिझेल ८०.५१ रुपयांवर कायम आहे. सलग १६ व्या दिवशी देशातील इंधन दर जैसे थेच आहेत. गेल्या महिनाभरात जागतिक कमॉडिटी बाजारात कच्च्या तेलाचा भाव ५० डॉलरपर्यंत वाढला आहे. मात्र तरीही पेट्रोलियम कंपन्यांनी इंधन दरवाढ रोखून धरली आहे. दोन आठवड्यांपूर्वी सलग ४८ दिवस पेट्रोलियम कंपन्यांनी पेट्रोल आणि डिझेल दर स्थिर ठेवले होते. त्यानंतर २० नोव्हेंबरपासून १२ वेळा झालेल्या दरवाढीने डिझेल ३.४१ रुपयांनी महागले आहे. तर याच कालावधीत पेट्रोलमध्ये १५ वेळा दरवाढ झाली होती. पेट्रोल २.५५ रुपयांनी महागले होते. आज मुंबईत पेट्रोलचा भाव एक लिटरसाठी ९०.३४ रुपये आहे. ८०.५१ रुपये आहे. दिल्लीत पेट्रोलने ८३ रुपयांचा टप्पा ओलांडला आहे. दिल्लीत पेट्रोलचा भाव ८३.७१ रुपये झाला आहे. डिझेलचा भाव ७३.८७ रुपये आहे. त्याशिवाय चेन्नईत देखील आज पेट्रोल आणि डिझेलमध्ये वाढ झाली आहे. पेट्रोलचा भाव ८६.५१ रुपये झाला असून डिझेल ७७.४४ रुपये झाले आहे. कोलकात्यात एक लिटर पेट्रोलचा भाव ८५.१९ रुपये असून डिझेल ७७.४४ रुपये आहे. अमेरिकन पेट्रोलियम इन्स्टिट्यूटने मंगळवारी तेल साठ्याची ताजी आकडेवारी जाहीर केली. ज्यात १८ डिसेंबरच्या आठवड्यात तेलाचा २.७० दशलक्ष बॅरल साठा आहे. त्याआधीच्या आठवड्यात तो १.९७ दशलक्ष बॅरल इतका साठा होता. दरम्यान, ब्रिटनमध्ये नव्या करोना व्हायरसने एकच खळबळ उडाली आहे. यामुळे अनेक देशांनी ब्रिटनला जोडणारी विमान सेवा खंडीत केली आहे. तेथे पुन्हा टाळेबंदी जाहीर करण्यात आहे. स्पेन, जर्मनी, इटली हे देश पुन्हा सतर्क झाले आहेत. या घडामोडी कच्च्या तेलाच्या बाजारपेठेसाठी मात्र नकारात्मक ठरत आहे. पुन्हा लॉकडाउनमुळे तेलाची मागणी घसरण्याची शक्यता आहे. आज सिंगापूरमध्ये कच्च्या तेलाचा भाव प्रती बॅरल ४६.७२ डॉलर होता. त्यात ०.३० डॉलरची घसरण झाली. त्याचबरोबर ब्रेंट क्रूडचा भाव घसरला. ब्रेंट क्रूडच्या किमतीत ०.८३ डॉलरची घसरण झाली आणि भाव प्रती बॅरल ५०.०८ डॉलर इतका होता.
