मुंबई : ‘मिसेस बेक्टर्स फूड स्पेशालिटीज लि.च्या समभाग विक्री योजनेत अर्ज सादर केलेल्या गुंतणूकदारांना आज मंगळवारी शेअर वाटप केले जाण्याची शक्यता आहे. today) कंपनीच्या माहिती पत्रकानुसार आज मंगळवारी आयपीओत अर्ज सादर केलेल्या गुंतवणूकदारांना शेअर वाटप केले जाण्याची शक्यता आहे. त्यानंतर बुधवारपासून शेअर प्राप्त न झालेल्या गुंतवणूकदारांना परतावा देण्यास सुरुवात होणार आहे. ‘मिसेस बेक्टर्स फूड स्पेशालिटीज लि.चा आयपीओ गेल्या आठवड्यात खुला झाला. दोन दिवसांत तो पूर्ण सबस्क्राईब झाला. या प्रारंभिक समभाग विक्री योजनेतून १,३२,३६,२११ शेअर इश्यू करणार आहे. प्रत्यक्षात गुंतवणूकदारांनी मोठ्या प्रमाणात अर्ज केले आहेत. ‘मिसेस बेक्टर्स फूड स्पेशालिटीज लि.चा आयपीओ १९८ पटीने ओव्हर सबस्क्राईब झाला आहे. याआधी बर्गर किंगचा आयपीओ १५७ पटीने ओव्हर सबस्क्राईब झाला होता. मात्र ‘मिसेस बेक्टर्स फूड स्पेशालिटीज लि.चा आयपीओ हा चालू वर्षात सर्वाधिक सबस्क्राईब झालेला आयपीओ ठरला आहे. दरम्यान, काळ्या बाजारात (ग्रे मार्केट) ‘मिसेस बेक्टर्स फूड स्पेशालिटीज लि.च्या शेअरचा भाव ८० टक्क्यांनी वाढला आहे. एका शेअरसाठी 'ग्रे मार्केट'मध्ये २३० रुपयांवर गेला आहे. नव्याने शेअर बाजारात सूचीबद्ध होणाऱ्या शेअरची एका ठराविक किंमतीत खरेदी करण्याची हमी इच्छुकांकडून दिली जाते. हे सर्व व्यवहार नोंदणी पूर्वी होतात. त्याला वायदे बाजाराच्या भाषेत ग्रे मार्केट बोलतात. शेअर प्राप्त झाले आहेत का हे या पद्धतीने तुम्ही खात्री करू शकतात. पहिला पर्याय - दोन्ही शेअर बाजारांच्या वेबसाईटवरून तुम्हाला कळू शकते. - 'बीएसई'वर https://ift.tt/35vA7l7 इक्विटी निवडा त्यानंतर ‘मिसेस बेक्टर्स फूड स्पेशालिटीज लि. पर्याय निवडा. - 'एनएसई'वर https://ift.tt/3mDqW6T इक्विटी निवडा त्यानंतर ‘मिसेस बेक्टर्स फूड स्पेशालिटीज लि. पर्याय निवडा. - त्यानंतर तुम्ही तुमचा अर्ज क्रमांक (Application No.) आणि पॅनकार्ड (PAN No.) क्रमांक तपशील द्या. - त्यानंतर सर्चवर क्लिक करा तुम्हाला शेअर प्राप्त झाले की नाहीत हे कळेल. दुसरा पर्याय - या आयपीओसाठी रजिस्टार असलेल्या लिंकइनटाईम या कंपनीच्या वेबसाईटवर जा. https://ift.tt/3qASq0t - कंपनीची निवड करा. - तुमचा पॅनकार्ड क्रमांकाचा तपशील द्या. - अर्ज क्रमांक किंवा क्लाइंट आयडीचा तपशील द्या. - कॅप्चा कोड द्या आणि सबमिट करा. नोंद : ही माहिती केवळ शेअर वाटप प्रक्रिया पूर्ण झाल्यानंतरच ऑनलाईन तपासता येईल.
